بشیر مرزا نے ناظم تعلقات عامہ آزاد کشمیر کا چارج سنبھال لیا
اشاعت کی تاریخ: 10th, February 2026 GMT
ویب ڈیسک: محکمہ تعلقات عامہ آزاد کشمیر کے انتہائی سینئر آفیسر محمد بشیر مرزا نے حکومتی نوٹیفکیشن کے تحت بطور سربراہ محکمہ چارج سنبھال لیا۔ قبل ازیں وہ بطور ڈائریکٹر سوشل، ڈیجیٹل میڈیا و پکٹوریل پبلسٹی فرائض سرانجام دے رہے تھے۔
انہوں نے ریٹائر ہونے والے ناظم تعلقات عامہ راجہ امجد حسین منہاس سے چارج لیا، چارج سنبھالنے کی باقاعدہ تقریب نظامت تعلقات عامہ میں منعقد ہوئی جس میں محکمہ تعلقات عامہ سے سینئر موسٹ آفیسر محمد بشیر مرزا نے ناظم تعلقات عامہ کا باقاعدہ چارج سنبھال کر کام شروع کر دیا۔
نقلی پسٹل دیکھا کر شہریوں کو لوٹنے والے 2ملزمان گرفتار
محمد بشیر مرزا گزشتہ 36 سالوں سے محکمہ میں بطور آفیسر اطلاعات، اسسٹنٹ ڈائریکٹر، ڈپٹی ڈائریکٹر اور ڈائریکٹر فرائض سرانجام دے رہے ہیں۔
بعد ازاں نظامت اعلیٰ تعلقات عامہ کے افسران اور سٹاف سے گفتگو کرتے ہوئے محمد بشیر مرزا نے کہا کہ اسوقت میڈیا کی جہتیں یکسر تبدیل ہو چکی ہیں، ہمیں جدید میڈیا کے ٹولز کو اپنا کر آگے بڑھنا ہوگا، اس کیلئے محکمہ کے افسران اور سٹاف کی استعداد کار میں اضافہ کرنا ہوگا۔
بسنت پر 20 ارب کا کاروبار ہوا؛ کائٹ فلائنگ ایسوسی ایشن
ان کا کہنا تھا کہ میری کوشش ہوگی کے اپنے دور میں محکمہ کی بہتری کیلئے کام کروں، افسران اور سٹاف محنت اور لگن سے حکومت کی سرگرمیوں کو اجاگر کرنے کیلئے اپنی تمام تر توانائیاں بروئے کار لائیں، محکمہ کے وسائل میں اضافے کیلئے اقدامات کریں گے۔
محمد بشیر مرزا نے کہا کہ وزیراطلاعات اور سیکرٹری اطلاعات کی رہنمائی میں محکمہ کو جدید خطوط پر استوار کریں گے، میں نے اپنی زندگی کا بڑا حصہ محکمہ اطلاعات کو دیا ہے اب اپنے کیریئر کے اس حصہ میں جب میں نے بطور سربراہ محکمہ چارج سنبھالا ہے تو میری کوشش ہے کہ میں محکمہ کی بہتری کیلئے کچھ کر سکوں۔
بھارتی سپریم کورٹ نے درگاہ میں نماز پڑھنے اورعید پر قربانی کرنے سے روک دیا
ناظم تعلقات عامہ کا مزید کہنا تھا کہ میری کوشش ہوگی کہ محکمہ کی بہتری اور ترقی کیلئے کام کروں اور محکمہ اطلاعات کو ایک جدید ادارہ بنا کر جاؤں، تمام افسران اور سٹاف پر مشتمل میرے پاس ایک بہترین پروفیشنلز کی ٹیم موجود ہے جس کے ساتھ مل کر ہم اس محکمہ کو آگے لے کر جائیں گے۔
Ansa Awais Content Writer.
ذریعہ
ذریعہ: City 42
کلیدی لفظ: ناظم تعلقات عامہ افسران اور سٹاف
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار