UAE کا امریکہ اور ایران کے درمیان سفارتی ذرائع کی بحالی کا خیرمقدم
اشاعت کی تاریخ: 9th, February 2026 GMT
سید عباس عراقچی سے اپنی ایک ملاقات میں یو اے ای کی سینئر مشیر خارجہ کا کہنا تھا کہ ہم اقتصاد و تجارت سمیت مختلف شعبوں میں ایران اور متحدہ عرب امارات کے باہمی تعلقات کو مزید وسعت دینے کیلئے پُرعزم ہیں۔ اسلام ٹائمز۔ متحدہ عرب امارات کی وزارت خارجہ میں سینئر مشیر محترمہ "لانا نسیبہ" اس وقت تہران میں موجود ہیں۔ اُن کے اس دورے کا مقصد دونوں ممالک کے درمیان سیاسی مشاورتی کمیٹی کے اجلاس میں شرکت ہے۔ اس موقع پر انہوں نے اسلامی جمہوریہ ایران کے وزیر خارجہ "سید عباس عراقچی" سے ملاقات کی۔ ملاقات میں محترمہ لانا نسیبہ نے كہا كہ ہم اقتصاد و تجارت سمیت مختلف شعبوں میں ایران اور متحدہ عرب امارات کے باہمی تعلقات کو مزید وسعت دینے کے لئے پُرعزم ہیں۔ انہوں نے مسقط میں ایران اور امریکہ کے درمیان سفارتی عمل کی بحالی کا خیرمقدم کیا۔ اس بارے میں انہوں نے کہا کہ خطے میں استحکام، سلامتی اور کشیدگی کا خاتمہ ہمارا اولین ہدف ہے۔
دوسری جانب سید عباس عراقچی نے یو اے ای کے ساتھ مختلف شعبوں میں اپنے اچھے و وسیع تعلقات کا حوالہ دیا۔ انہوں نے کہا کہ ہم، دونوں ممالک کی عوام کے مفادات کے حصول کے لئے اِن تعلقات کو مزید وسعت دینے کے لئے تیار ہیں۔ ایرانی وزیر خارجہ نے خطے میں کشیدگی کو کم کرنے اور امن و استحکام کو برقرار رکھنے کے لئے علاقائی ممالک کی کوششوں کو سراہا۔ اس سلسلے میں انہوں نے علاقائی ممالک کی سفارتی کوششوں اور دیانتدارانہ کاوشوں کا شکریہ ادا کیا۔ آخر میں فریقین نے علاقائی اور بین الاقوامی امور پر تبادلہ خیال کیا۔ انہوں نے اس بات سے اتفاق کیا کہ کسی بھی بحران کو مذاکرات اور سفارتی ذرائع سے حل کرنا چاہئے۔ اس کے علاوہ حالیہ بحران سے نمٹنے کے لئے باہمی مشاورت کے تسلسل پر زور دیا۔
ذریعہ
ذریعہ: Islam Times
پڑھیں:
تحریک انصاف5 اگست کو کیا کرنے جا رہی ہے؟
پاکستان تحریک انصاف (PTI) کے بانی اور سابق وزیراعظم عمران خان کی اڈیالہ جیل میں قید کے 3 سال مکمل ہونے پر پارٹی 5 اگست کو احتجاجی پروگرام پر غور کر رہی ہے تاہم پارٹی ذرائع کے مطابق اس حوالے سے مرکزی قیادت کے اندر ابھی تک مکمل اتفاق رائے نہیں ہو سکا جس کے باعث حتمی احتجاجی کال جاری نہیں کی گئی۔
پارٹی ذرائع کا کہنا ہے کہ عمران خان کی ہمشیرہ علیمہ خان اڈیالہ جیل کے باہر بھرپور احتجاج کی حامی ہیں۔ ان کے مؤقف کے مطابق پارٹی کے ارکان قومی و صوبائی اسمبلی، سینیٹرز اور کارکنوں کو جیل کے باہر جمع ہونا چاہیے تاکہ عمران خان کی قید کے خلاف مؤثر پیغام دیا جا سکے۔
دوسری جانب ذرائع کے مطابق پارٹی کے بعض سینیئر رہنما، جن میں چیئرمین بیرسٹر گوہر علی خان بھی شامل ہیں، لاہور میں احتجاج یا کسی متبادل پروگرام کے حق میں دکھائی دیتے ہیں۔
بڑی احتجاجی کال پر تحفظات
پارٹی ذرائع کے مطابق متعدد ارکان قومی و صوبائی اسمبلی نے قیادت کو آگاہ کیا ہے کہ مہنگائی، مقدمات کے خدشات اور مسلسل احتجاجی سرگرمیوں کے باعث عوام پہلے جیسی تعداد میں سڑکوں پر آنے کے لیے تیار نہیں۔
ذرائع کے مطابق بعض رہنماؤں کی رائے ہے کہ ہر رکن اپنے اپنے حلقے میں علامتی یا ٹوکن احتجاج کرے اور عوام کو یہ پیغام دے کہ عمران خان کی قید کو 3 سال مکمل ہو گئے ہیں۔
پارٹی کے ایک حلقے کی جانب سے یہ تجویز بھی سامنے آئی ہے کہ 5 اگست کو کسی بڑے احتجاجی پروگرام سے گریز کیا جائے تاکہ کارکنوں اور رہنماؤں کو مزید گرفتاریوں اور مقدمات کا سامنا نہ کرنا پڑے۔
ذرائع کے مطابق ابھی تک یہ طے نہیں ہو سکا کہ احتجاج، ریلی، جلسہ یا کسی اور شکل میں ہوگا۔ علیمہ خان کی اڈیالہ جیل کے باہر احتجاج کی تجویز پر بھی پارٹی کے بیشتر رہنما متفق نہیں جبکہ متعدد رہنما محدود یا علامتی احتجاج کے حق میں ہیں۔
9 مئی کے بعد بڑا احتجاج منظم نہ ہو سکا
پارٹی ذرائع کے مطابق 9 مئی 2023 کے واقعات کے بعد پی ٹی آئی بڑے پیمانے پر کوئی کامیاب احتجاجی تحریک منظم نہیں کر سکی۔
26 نومبر کو خیبر پختونخوا کے سابق وزیراعلیٰ علی امین گنڈاپور اور بشریٰ بی بی کی قیادت میں عمران خان کی رہائی کے لیے اسلام آباد کی جانب مارچ کیا گیا تاہم یہ احتجاج کسی واضح نتیجے کے بغیر ختم ہو گیا۔
مزیدپڑھیں:بیوٹی انفلوئنسر کاسمیٹک سرجری کے دوران چل بسی
اس احتجاج کے بعد پارٹی کے متعدد کارکنوں اور رہنماؤں کی گرفتاریاں ہوئیں جس کے بعد پارٹی کسی بڑے احتجاجی منصوبے کا اعلان نہیں کر سکی۔ اس دوران مختلف مواقع پر ریلیاں اور مظاہرے بھی کیے گئے تاہم حکومتی اقدامات اور دیگر عوامل کے باعث وہ مطلوبہ نتائج حاصل نہ کر سکے۔
عمران خان کی قید کو 3 سال مکمل
عمران خان 5 اگست 2023 سے اڈیالہ جیل میں قید ہیں۔ اس عرصے کے دوران ان کے خلاف متعدد مقدمات درج کیے گئے جنہیں پاکستان تحریک انصاف سیاسی انتقام قرار دیتی ہے۔
پارٹی کی جانب سے مختلف مواقع پر عمران خان کی صحت، خصوصاً آنکھوں کے مسائل، اہلخانہ اور وکلا سے ملاقاتوں میں مبینہ رکاوٹوں اور عدالتی احکامات پر عمل درآمد سے متعلق تحفظات کا اظہار بھی کیا جاتا رہا ہے۔
5 اگست کی روایت برقرار رہے گی؟
گزشتہ برسوں میں پاکستان تحریک انصاف 5 اگست کو مختلف شہروں میں احتجاج، ریلیوں اور پرامن مظاہروں کے ذریعے عمران خان کی رہائی کے مطالبات اٹھاتی رہی ہے۔
ذرائع کے مطابق اس سال بھی ضلعی سطح پر مشاورت اور تیاریاں جاری ہیں تاہم مرکزی قیادت کی جانب سے ملک گیر احتجاج یا کسی بڑے پروگرام کے بارے میں حتمی فیصلہ ابھی سامنے نہیں آیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی