ماہِ صیام: سب سے طویل اور مختصر ترین روزے کن ممالک میں ہوں گے؟
اشاعت کی تاریخ: 9th, February 2026 GMT
رمضان المبارک 2026 کی آمد میں چند ہی دن باقی رہ گئے ہیں ، جس کے لیے دنیا بھر کے مسلمان ایک بار پھر اس مقدس مہینے کے استقبال کی تیاری کر رہے ہیں۔
اس سال بھی جغرافیائی محل وقوع کے باعث مختلف ممالک میں روزوں کے دورانیے میں واضح فرق دیکھنے کو ملے گا، جس نے کئی علاقوں میں روزہ داروں کے لیے خصوصی توجہ حاصل کر لی ہے۔
میڈیا رپورٹس کے مطابق شمالی نصف کرے کے بعض ممالک میں دن کا دورانیہ غیر معمولی طور پر طویل ہونے کے باعث روزے کے اوقات بھی خاصے لمبے ہوں گے۔
روس کے شمالی علاقے، گرین لینڈ، آئس لینڈ، ناروے، سویڈن اور فن لینڈ جیسے ممالک میں روزے کا دورانیہ 16 گھنٹے سے تجاوز کر سکتا ہے، جب کہ کچھ علاقوں میں یہ مدت 20 گھنٹے تک پہنچنے کا امکان ظاہر کیا جا رہا ہے۔
اس کے برعکس جنوبی نصف کرے اور معتدل خطوں میں دن نسبتاً چھوٹا ہونے کے باعث روزے کا دورانیہ کم رہے گا۔ برازیل، جنوبی افریقا، چلی، نیوزی لینڈ، انڈونیشیا، ملائیشیا اور کینیا جیسے ممالک میں روزے کا دورانیہ 11 سے 14 گھنٹے کے درمیان متوقع ہے، جو روزہ داروں کے لیے نسبتاً سہولت کا باعث ہوگا۔
میڈیا رپورٹس میں بتایا گیا ہے کہ رمضان المبارک 2026 کا آغاز انیس فروری کو متوقع ہے ۔ ماہرین کے مطابق اس سال روزوں کا دورانیہ گزشتہ برس کے مقابلے میں کچھ کم ہوگا، جس سے روزہ داروں کو جسمانی طور پر نسبتاً سہولت حاصل ہوگی۔
رمضان المبارک نہ صرف عبادت اور تقویٰ کا مہینہ ہے بلکہ صبر، برداشت اور باہمی ہمدردی کا درس بھی دیتا ہے۔ دنیا کے مختلف حصوں میں روزے کے اوقات میں فرق کے باوجود، مسلمان ایک ہی روحانی جذبے کے ساتھ اس مقدس فریضے کی ادائیگی کرتے ہیں، جو امت مسلمہ کے اتحاد کی خوبصورت مثال ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل کا دورانیہ ممالک میں
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع