نیٹ میٹرنگ پالیسی اور سولر زادے
اشاعت کی تاریخ: 10th, February 2026 GMT
اس میں کوئی شک نہیں کہ حکومت کو نیٹ میٹرنگ پالیسی میں تبدیلی نہیں کرنی چاہیے تھی، لیکن اس بدلتی پالیسی سے جزوی متاثرہ سولر سسٹم لگوانے والے سولر زادے (سولر نیٹ میٹرنگ صارفین کی کل تعداد 4 لاکھ 66 ہزار ہے، جن میں سے 82 فیصد سولر زادوں کا تعلق بڑے شہروں سے ہے)۔
ان کی خدمت میں عرض ہے کہ وہ برائے مہربانی ان صارفین کا بھی خیال کریں جن کی مالی استطاعت سولر لگوانے کی اجازت نہیں دیتی اور یہ صارفین وہ کپیسٹی چارجز بھی ادا کرتے ہیں، جن کے معاہدے سابقہ حکومتیں کر چکی ہیں، اور ان غیر سولر زادوں کا ان چارجز کے ساتھ کوئی لینا دینا نہیں۔
خیال رہے کہ بجلی کے شعبے کے نگران ادارے نیشنل الیکٹرک پاور ریگولیٹری اتھارٹی ’نیپرا‘ کی جانب سے ملک میں سولر صارفین کے لیے نیٹ میٹرنگ کی جگہ نیٹ بلنگ متعارف کروائی گئی ہے۔
نئے حکومتی ریگولیشنز کے مطابق پرانے سولر زادوں کو یہ رعائت دی گئی ہے کہ وہ اپنی بجلی نیشنل گرڈ کو 25 روپے 32 پیسے فی یونٹ فروخت کریں گے، جبکہ نئے سولر زادوں کی پیدا کردہ بجلی 8 روپے 13 پیسوں میں واپڈا لے گا۔
تاہم پرانے سولر زادوں کو ایکسپورٹ کردہ اضافی یونٹس جو کہ پہلے 3 ماہ کے لیے کریڈٹ کیے جاتے تھے، اب صرف ایک ماہ کے لیے کریڈٹ کیے جائیں گے۔
حکومت کی طرف سے نئی ریگولیشنز لانے کے بعد سولر زادے نئے ہوں یا پرانے، دونوں ہی حکومتی اقدام پر سراپا احتجاج ہیں اور وہ سولر زادے جو محفلوں میں غیر سولر زادوں کو تحقیر بھری نظروں سے دیکھتے تھے اور سولر کے فوائد پر بھاشن دیتے تھے، ان ریگولیشنز کے بعد اس انتظار میں ہے کہ کوئی ان سے ہمدردی کے دو بول ہی بول دے۔
خیر ان سولر زادوں کو یہ بھی سوچنا چاہیے کہ جنہوں نے لالچ میں اپنی ضرورت سے زائد کے سولر سسٹم لگوائے تھے تاکہ وہ اضافی بجلی واپڈا کو فروخت کر سکیں، ان اضافی یونٹس کی ادائیگی بھی غیر سولر زادوں کو ہی ادا کرنے پڑتی ہے۔
قارئین کو یہ بھی واضح کرتے جائیں کہ متوسط طبقے کو دی گئی 200 یونٹس پر فراہم کردہ سبسڈی کا فائدہ بھی یہ سولر زادے بھی اٹھا رہے ہیں اور وزیر توانائی کے مطابق 200 یونٹس استعمال کرنے والوں کی تعداد 90 لاکھ سے بڑھ کر 2 کروڑ سے زائد ہو گئی ہے۔
چونکہ یہ سولر زادے اپنی پیدا کردہ بجلی ہی استعمال کرتے ہیں جس کی وجہ سے واپڈا یونٹس کی تعداد 200 یونٹس سے کم رہتی ہے اور وہ بھی اس سبسڈی سے فائدہ اٹھانے میں کامیاب ہو جاتے ہیں جس کے مستحق صرف متوسط طبقے سے تعلق رکھنے والے گھرانے ہیں۔
موجودہ صورت حال میں سولر زادے نئے ہوں یا پرانے، انہیں یہ سوچ کر خوش ہونا چاہیے کہ معاشرے میں اب بھی ان کا سٹیٹس غیر سولر زادوں سے اونچا ہی رہے گا اور انہیں حکومت کا یہ پالیسی اس وقت لانے پر بھی شکر ادا کرنا چاہیے کہ جب موسم میں تبدیلی کے سبب دھوپ کا دورانیہ ہر گزرتے دن کے ساتھ بڑھ رہا ہے، جس کی وجہ سے ان سولر زادوں کی بجلی پیدا کرنے کی صلاحیت میں بتدریج اضافہ ہو گا۔
آخر میں سولر زادوں کو مشورہ ہے کہ انہیں اسی پر اکتفا کرنا چاہیے (جن کی بڑی تعداد سولر میں کی گئی سرمایہ کاری پوری کر چکے ہیں) کہ وہ ماضی میں بھاری بلوں سے محفوظ رہے اور اب انہیں صرف اپنی پیدا کردہ سولر بجلی پر ہی گزارہ کرنا پڑے گا۔
اور جنہوں نے لالچ میں اضافی سولر پلیٹس لگوائیں، وہ صدقے یا خیرات کے طور پر اضافی پیدا کردہ یونٹس واپڈا کو دے کر ثوابِ دارین حاصل کریں۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: غیر سولر زادوں سولر زادوں کو نیٹ میٹرنگ سولر زادے پیدا کردہ کے لیے
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی