نیٹ میٹرنگ ختم، کیا سولر صارفین کے لیے بلنگ مہنگی ہو جائے گی؟
اشاعت کی تاریخ: 10th, February 2026 GMT
نیشنل الیکٹرک پاور ریگولیٹری اتھارٹی (نیپرا) نے پیر کو تمام موجودہ اور مستقبل کے نیٹ میٹرڈ سولر صارفین (پروزیومرز) کے معاہدوں میں بنیادی تبدیلی کرتے ہوئے نیٹ میٹرنگ کا نظام ختم کر دیا اور اسے نیٹ بلنگ سے تبدیل کر دیا ہے۔ اس اقدام کا مقصد سولر توانائی کے بڑھتے ہوئے استعمال کو قابو میں رکھنا اور مہنگے اور غیر مؤثر سرکاری بجلی کے نظام کی حفاظت کرنا بتایا گیا ہے۔
نوٹیفائی کیے گئے نئے قواعد کے مطابق موجودہ پروزیومرز فوری طور پر نیٹ بلنگ میں منتقل ہو جائیں گے اور ان کے ایکسپورٹ یونٹس کا کریڈٹ صرف ایک ماہ کے لیے دیا جائے گا جبکہ موجودہ معاہدے کی باقی تمام شرائط 7 سالہ مدت تک برقرار رہیں گی۔
یہ بھی پڑھیں: نیٹ میٹرنگ میں مجوزہ تبدیلیاں، سولر صارفین کس حد تک متاثر ہوں گے؟
نئے پروزیومرز کو 5 سالہ معاہدے دیے جائیں گے اور ان کے ایکسپورٹ یونٹس کی قیمت 11 روپے فی یونٹ مقرر کی گئی ہے جو موجودہ 26 روپے کے مقابلے میں کم ہے۔ صارفین کی ڈسٹری بیوشن کمپنیوں (ڈسکوز) سے درآمد شدہ یونٹس اب 37 سے 55 روپے فی یونٹ کے حساب سے بل کی جائیں گی، ٹیکسز اور سرچارجز کے علاوہ۔
نیٹ بلنگ کے تحت پروزیومرز کی پیدا کردہ بجلی ڈسکوز خریدیں گی اور صارفین کی طرف سے استعمال ہونے والی بجلی کے بل میں اس کا کریڈٹ دیا جائے گا۔ اگر پروزیومرز کی برآمد شدہ بجلی کا بل ڈسکوز کی فراہم کردہ بجلی کے بل سے زیادہ ہو تو نیٹ شدہ رقم اگلے بلنگ سائیکل یا سہ ماہی بنیادوں پر ادا کی جائے گی۔ تاہم ماضی میں ڈسکوز کی جانب سے یہ ادائیگیاں معمول کے مطابق نہیں کی جاتی تھیں۔
یہ بھی پڑھیں: لاہور میں سولر پینلز کا اربوں کا فراڈ، تاجروں کے پیسے کس نے ہڑپ کیے؟
نئے قواعد میں پروزیومرز کو اپنی اصل منظور شدہ لوڈ سے زیادہ نیٹ میٹرنگ کے لیے سولر سسٹم نصب کرنے کی اجازت نہیں ہوگی جس سے کیپیسٹی کی حد 50 فیصد کم ہو جائے گی۔ مزید برآں ٹرانسفارمر سطح پر ڈسٹریبیوٹڈ جنریشن کی مجموعی صلاحیت اگر 80 فیصد سے زیادہ ہو جائے تو ڈسکوز نئی درخواستیں قبول نہیں کریں گی تاکہ مقامی ڈسٹریبیوشن نیٹ ورک میں اوورلوڈنگ سے بچا جا سکے۔
نیپرا کا کہنا ہے کہ نئے قواعد واضح عمل، سخت تکنیکی معیار اور بلنگ کے طریقہ کار میں تبدیلی فراہم کرتے ہیں جس کا مقصد چھوٹے پیمانے کی پیداوار کو قومی گرڈ میں بہتر طریقے سے شامل کرنا اور نظام کی استحکام کو یقینی بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: نیٹ میٹرنگ کے لیے
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
وزارت آئی ٹی نے 1.67 ارب روپے سے زاید کے فنڈز طلب کرلیے