فتنہ الخوارج میں شدید اندرونی اختلافات، تنظیم پر بالادستی حاصل کرنے کے لیے بے رحمی کے ساتھ فیصلے
اشاعت کی تاریخ: 10th, February 2026 GMT
خیبرپختونخوا کے قبائلی ضلع شمالی وزیرستان میں حال ہی میں ایک واقعہ پیش آیا، جہاں فتنہ الخوارج کے رکن زیبر المعروف سفیان کو فتنہ الخوارج کے ہی ایک کمانڈر نے قتل کردیا۔
مزید پڑھیں: افغانستان میں چھوڑا گیا امریکی اسلحہ، ٹی ٹی پی اور فتنہ الخوارج کے ہاتھ لگ گیا
اس واقعے نے تنظیم کے اندر طاقت، علاقائی کنٹرول اور قیادت کے حوالے سے گہرے اندرونی اختلافات کو عیاں کردیا ہے۔
اس واقعے سے ظاہر ہوتا ہے کہ فتنہ الخوارج میں مسلسل اندرونی جھگڑے پائے جاتے ہیں، جہاں مختلف دھڑے ایک دوسرے کے خلاف بے رحمی کے ساتھ مقابلہ کرتے ہیں تاکہ بالادستی حاصل کی جا سکے۔
فتنہ الخوارج اور اس سے منسلک گروہ کسی مشترکہ نظم و ضبط یا اجتماعی مقصد کو نہیں مانتے اور صرف طاقت کو کنٹرول کے لیے واحد ذریعہ تسلیم کرتے ہیں۔
تحقیقات اور اطلاعات کے مطابق فتنہ الخوارج کے اراکین کی بقا زیادہ تر تاوان، بھتہ خوری، اغوا اور دیگر غیر قانونی آمدنی پر منحصر ہے، اور یہ حقیقت خود فتنہ الخوارج کی جانب سے بھی تسلیم کی جاتی ہے، جو تنظیم کے مجرمانہ طرز عمل کو ظاہر کرتی ہے، نہ کہ کسی نظریاتی وابستگی کو۔
فتنہ الخوارج کے اندر کوئی منظم کمانڈ سسٹم، اندرونی قوانین یا جوابدہی کا نظام موجود نہیں، اور یہ تنظیم دھونس، خوف اور تشدد کے ذریعے کام کرتی ہے۔ فیصلہ سازی کا عمل عقل یا مذہبی اصولوں پر مبنی نہیں بلکہ لالچ، شک اور موقع پرستی سے متاثر ہوتا ہے۔
مزید پڑھیں: ’فتنہ الخوارج مذہب کے نام پر نوجوانوں کو پاک فوج کے خلاف اکساتے ہیں‘، خارجی دہشتگرد کے انکشافات
مسلسل اپنے ہی اراکین کو وسائل، علاقہ اور مالی کنٹرول کے تنازع پر نشانہ بنانا اور قتل کرنا فتنہ الخوارج کو مربوط تحریک کے بجائے ایک منتشر مجرمانہ تنظیم کے طور پر پیش کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اندرونی اختلافات خیبرپختونخوا فتنہ الخوارج وی نیوز.
ذریعہ
ذریعہ: WE News
کلیدی لفظ: اندرونی اختلافات خیبرپختونخوا فتنہ الخوارج وی نیوز فتنہ الخوارج کے
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے