محمدیہ ٹرسٹ پاکستان کے سرپرست اعلیٰ شیخ غلام حسین مقدس کھرمنگ میں سپرد خاک
اشاعت کی تاریخ: 10th, February 2026 GMT
مرحوم کی نماز جنازہ قائد ملت جعفریہ آغا سید راحت حسین الحسینی نے پڑھائی۔ نماز جنازہ میں ہزاروں افراد نے شرکت کی۔ اس سے پہلے مرکزی جامع مسجد سکرود میں بھی مرحوم کی نماز جنازہ سید باقر الحسینی کی امامت میں ادا کی گئی۔ اسلام ٹائمز۔ جید عالم دین اور محمدیہ ٹرسٹ پاکستان کے سرپرست اعلیٰ شیخ غلام حسین مقدس کو مہدی آباد کھرمنگ میں سپرد خاک کر دیا گیا۔ مرحوم کی نماز جنازہ قائد ملت جعفریہ آغا سید راحت حسین الحسینی نے پڑھائی۔ نماز جنازہ میں ہزاروں افراد نے شرکت کی۔ اس سے پہلے مرکزی جامع مسجد سکرود میں بھی مرحوم کی نماز جنازہ سید باقر الحسینی کی امامت میں ادا کی گئی تھی۔ یاد رہے کہ معروف دینی و سماجی شخصیت اور محمدیہ ٹرسٹ پاکستان کے سرپرست اعلیٰ شیخ غلام حسین مقدس طویل علالت کے بعد گزشتہ روز اسلام آباد میں انتقال کر گئے تھے۔ مرحوم کچھ عرصے سے علیل تھے۔ مرحوم نے محمد ٹرسٹ پاکستان کے ذریعے ملک بھر میں دینی و فلاحی خدمات انجام دیں، محمدیہ ٹرسٹ کے زیر اہتمام درجنوں دینی مدارس، سکولز، دینیات سینٹرز، مساجد اور امام بارگاہیں قائم کی گئیں۔ ساتھ ہی ٹرسٹ کے ذریعے ہزاروں یتیموں، ناداروں اور بیواؤں کی مدد کی گئی اور یہ سلسلہ اس وقت بھی جاری ہے۔
.
ذریعہ
ذریعہ: Islam Times
کلیدی لفظ: مرحوم کی نماز جنازہ ٹرسٹ پاکستان کے محمدیہ ٹرسٹ
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ