جھولتی تاریں، ٹیڑھے و کمزور کھمبے سنگین خطرہ بنتے جارہے ہیں،عدنان دیسوالی
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد (اسٹاف رپورٹر) پاکستان تحریک انصاف میاں سرفراز ٹاؤن حیدرآباد کے صدر عدنان خان دیسوالی نے اپنے جاری کردہ بیان میں کہا ہے کہ حیسکو انتظامیہ کی مجرمانہ غفلت اور نااہلی شہریوں کی جان و مال کے لیے سنگین خطرہ بنتی جا رہی ہے ۔ انہوں نے کہا کہ ہر سال موسم سرما میں حیسکو کی جانب سے خطیر رقم مینٹیننس اور مرمتی کاموں کے نام پر خرچ کی جاتے ہے، مگر عملی طور پر شہر بھر میں بجلی کا انفراسٹرکچر خستہ حالی کا شکار نظر آتا ہے بغیر سیفٹی کے جھولتی ہوئی برقی تاریں، جگہ جگہ ٹیڑھے اور کمزور کھمبے،اس بات کا واضح ثبوت ہیں۔ عدنان خان دیسوالی نے کہا کہ حیسکو کی جانب سے بروقت اور معیاری مینٹیننس نہ ہونے کے باعث موسم گرما میں لوڈشیڈنگ، شارٹ سرکٹ، آگ لگنے،ٹرانسفارمر جلنے، جانی و مالی نقصان جیسے واقعات میں اضافے کا خدشہ شدید ہوتا جا رہا ہے گزشتہ روز کینٹ بازار میں بجلی کی تاروں میں آگ لگنے کا واقعہ اس امر کی کھلی مثال ہے کہ صورتحال کس قدر خطرناک اور تشویشناک ہو چکی ہے، جہاں کسی بڑے سانحے سے صرف قسمت سے بچا جاسکتا ہے۔ انہوں نے مزید کہا کہ افسوسناک پہلو یہ ہے کہ جعلی اور نام نہاد نمائندگان ہر سال موسم گرما میں محض فوٹو سیشن اور وقتی بیانات تک محدود رہتے ہیں، مگر عوام کی جان و مال کے تحفظ، مستقل حل اور عملی اقدامات کے لیے ان کی کارکردگی صفر نظر آتی ہے یہ نمائندگان عوامی مسائل کو حل کرنے کے بجائے صرف دکھاوے کی سیاست کرتے ہیں، جس کا خمیازہ غریب اور متوسط طبقے کو بھگتنا پڑتا ہے ۔
ذریعہ
ذریعہ: Jasarat News
پڑھیں:
سارا انعام قتل کیس: شاہنواز امیر کی اپیلوں پر سماعت موسم گرما کی تعطیلات کے بعد تک ملتوی
---فائل فوٹواسلام آباد ہائی کورٹ نے سارا انعام قتل کیس میں سزا یافتہ مجرم شاہنواز امیر کی سزا کے خلاف اپیل اور دیگر متعلقہ اپیلوں کی سماعت موسم گرما کی تعطیلات کے بعد تک ملتوی کر دی۔
کیس کی سماعت جسٹس خادم حسین سومرو اور جسٹس محمد آصف نے کی، مجرم کی والدہ ثمینہ شاہ کی بریت کے خلاف درخواست بھی زیرِ سماعت آئی۔
سماعت کے دوران شاہنواز امیر کی جانب سے وکیل چوہدری عبدالعزیز جبکہ مقتولہ سارا انعام کے والد کی جانب سے رضوان عباسی عدالت میں پیش ہوئے۔
جسٹس ارباب محمد طاہر اور جسٹس انعام امین منہاس نے کیس کی سماعت کی۔
جسٹس خادم حسین سومرو نے استفسار کیا کہ کیا فریقین دلائل کے لیے تیار ہیں جس پر دونوں جانب کے وکلا نے آمادگی ظاہر کی، بعد ازاں وکیل چوہدری عبدالعزیز نے دلائل کا آغاز کرتے ہوئے سب سے پہلے ایف آئی آر کا متن پڑھا۔
وکیل نے مؤقف اختیار کیا کہ اس مقدمے میں ایاز امیر ابتدا ہی میں کیس سے ڈسچارج ہو گئے تھے اور اس حکم کو کسی فورم پر چیلنج نہیں کیا گیا۔
انہوں نے بتایا کہ ثمینہ شاہ کو بھی ٹرائل کورٹ نے عدم شواہد کی بنیاد پر بری کیا تھا تاہم اس وقت ان کے وکیل عدالت میں موجود نہیں تھے۔
عدالت نے آئندہ تاریخ کے حوالے سے فریقین سے رائے طلب کی جس پر رضوان عباسی نے سماعت آئندہ ہفتے یا موسم گرما کی تعطیلات کے بعد مقرر کرنے کی استدعا کی۔
اسلام آباداسلام آباد کی مقامی عدالت نے سارہ...
بعد ازاں عدالت نے کیس کی سماعت موسم گرما کی تعطیلات کے بعد تک ملتوی کر دی۔
واضح رہے کہ ستمبر 2022ء میں سارا انعام کو ان کے شوہر شاہنواز امیر نے قتل کر دیا تھا جبکہ ٹرائل کورٹ شاہنواز امیر کو سزائے موت سنا چکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ