نیٹ میٹرنگ ختم ،حکومت کاروباری طبقے کو نقصان پہنچانا چاہتی ہے، سلیم میمن
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدر آباد (اسٹاف رپورٹر)حیدر آباد چیمبر آف اسمال ٹریڈرز اینڈ اسمال انڈسٹری کے صدر سلیم میمن نے حکومت کے حالیہ فیصلے پر شدید تشویش اور سخت رد عمل کا اظہار کرتے ہوئے کہا ہے کہ نیٹ میٹرنگ کو ختم کر کے نیٹ بلنگ کا نفاذ در حقیقت عوام، تاجروں اور سرمایہ کاروں کے ساتھ کیے گئے وعدوں کی صریح خلاف ورزی ہے۔ یہ فیصلہ نہ صرف غیر منصفانہ ہے بلکہ کا روباری طبقے کے اعتماد کو شدید نقصان پہنچانے کے مترادف ہے۔ انہوں نے کہا کہ یہ انتہائی افسوسناک امر ہے کہ ایک طرف اشرافیہ کے آئی پی پیز جیسے طاقتو ر گروہوں کے ساتھ کیے گئے معاہدے ختم کرنے میں حکومت ہچکچاہٹ کا شکار ہے جبکہ دوسری طرف عام شہریوں، تاجروں اور چھوٹے صنعتکاروں کے ساتھ کیے گئے معاہدے بغیر کسی مشاورت کے یکطرفہ طور پر ختم کر دیے جاتے ہیں اس طرز عمل سے یہ تاثر مضبوط ہو رہا ہے کہ حکومت کمزور طبقات پر سخت فیصلے نا فذ کرتی ہے اور طاقتورطبقات کے سامنے بے بس نظر آتی ہے۔ صدر چیمبر نے کہا کہ نیٹ میٹر نگ کے تحت سولر صارفین کو یونٹ کے بدلے یونٹ ایڈ جسٹمنٹ کی سہولت حاصل تھی، جس کے ذریعہ بجلی کے بلوں میں نمایاں کمی آتی تھی بلکہ ملک میں قابل تجدید توانائی کو فروغ بھی مل رہا تھا تا ہم اب نیٹ بلنگ کے نظام کے تحت صارفین کو برآمد شدہ یونٹس کے عوض نہایت کم نرخ پر ادائیگی کی جائے گی جبکہ استعمال شدہ بجلی مہنگے نرخوں پر وصول کی جائے گی، جس کے نتیجے میں سولر صارفین کو بھاری مالی نقصان کا سامنا کرنا پڑے گا اور ان کی سرمایہ کاری کا ریٹرن پیریڈ غیر معمولی حد تک بڑھ جائے گا۔ انہوں نے کہا کہ یہ پالیسی نہ صرف سولر صارفین کے لیے نقصان دہ ہے بلکہ اس کے اثرات مجموعی طور پر صنعت، تجارت اور سرمایہ کاری کے ماحول پر بھی پڑیں گے جب حکومت کسی بھی وقت اپنی پالیسی تبدیل کر کے عوام اور تاجروں کے ساتھ کیے گئے معاہدے تو ڑ دے تو یہ اعتماد کے بحران کو جنم دیتا ہے، جو کسی بھی معیشت کے لیے انتہائی خطر ناک ثابت ہو سکتا ہے۔ سلیم میمن نے کہا کہ کاروباری طبقہ پہلے ہی مہنگی بجلی، بلند ٹیکسوں اور معاشی عدم استحکام جیسے مسائل سے دوچار ہے، ایسے میں یہ فیصلہ مزید بوجھ ڈالنے کے مترادف ہے۔ یہ اقدام قابل تجدید توانائی جیسے اہم شعبے میں سرمایہ کاری کی حوصلہ شکنی کرے گا اور ملک کو توانائی کے بحران سے نکالنے کے بجائے مزید مشکلات کی طرف دھکیل دے گا۔ انہوں نے حکومت سے پر زور مطالبہ کیا کہ وہ نیٹ میٹرنگ کے خاتمے اور نیٹ بلنگ کے نفاذ کے فیصلے پر فوری نظر ثانی کرے تمام اسٹیک ہولڈرز بالخصوص بزنس کمیونٹی، تاجروں اور چھوٹے صنعتکاروں کو اعتماد میں لے، اور ایسی پالیسی تشکیل دے جو عوام دوست سر مایہ کاری دوست اور رقومی مفاد کے مطابق ہو۔ انہوں نے واضح کیا کہ اگر حکومت نے اس پالیسی پر نظر ثانی نہ کی تو تاجر برادری میں حکومت کے خلاف عدم اعتماد مزید بڑھے گا، جو ملک کی معاشی ترقی سرمایہ کاری کے فروغ اور توانائی کے مستقبل کے لیے نہایت نقصان دہ ثابت ہوگا۔
ذریعہ
ذریعہ: Jasarat News
کلیدی لفظ: کے ساتھ کیے گئے سرمایہ کاری نے کہا کہ انہوں نے
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا