گووندا فلم بھاگم بھاگ 2 سے باہر، منوج باجپئی کی انٹری
اشاعت کی تاریخ: 11th, February 2026 GMT
ممبئی (شوبز ڈیسک)اداکار پریش راول نے فلم بھاگم بھاگ 2 کی کاسٹ میں ہونے والی بڑی تبدیلی پر بات کرتے ہوئے تصدیق کی ہے کہ گووندا اب اس سیکوئل کا حصہ نہیں رہے۔
پریش راول کے مطابق، آنے والی فلم میں ایک “نیا اور منفرد امتزاج” دیکھنے کو ملے گا، کیونکہ اصل فلم کے اداکار اکشے کمار اور پریش راول تو واپس آ رہے ہیں، تاہم گووندا کی جگہ اب منوج باجپئی کردار نبھائیں گے۔
بولی وڈ ہنگامہ کو دیے گئے انٹرویو میں پریش راول نے کہا کہ انہیں گووندا کے ساتھ کام نہ کر پانے کا افسوس ہے، مگر وہ خود بھی یہ نہیں جانتے کہ گووندا نے فلم کیوں چھوڑ دی۔ انہوں نے مزید بتایا کہ بھاگم بھاگ 2 میں وہ دو مختلف کرداروں میں نظر آئیں گے۔
ادھر رپورٹس کے مطابق اداکارہ میناکشی چودھری کو فلم کی ہیروئن کے لیے زیر غور لایا جا رہا ہے اور امکان ہے کہ وہ منوج باجپئی کے مدمقابل جلوہ گر ہوں گی۔ یہ ان کی ہندی سنیما میں واپسی ہوگی، کیونکہ اس سے قبل وہ 2019 میں فلم اپ اسٹارٹس میں نظر آئی تھیں۔
واضح رہے کہ بھاگم بھاگ 2 کی ہدایتکاری اس بار راج شاندلیہ کریں گے، جبکہ 2006 میں ریلیز ہونے والی اصل فلم کی ہدایتکاری پریادرشن نے کی تھی۔ فلم کی شوٹنگ اور ریلیز سے متعلق مزید تفصیلات جلد سامنے آنے کی توقع ہے۔
.
ذریعہ
ذریعہ: Daily Mumtaz
کلیدی لفظ: بھاگم بھاگ 2 پریش راول فلم کی
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے