اسلام آباد ہائیکورٹ: کم عمر بچوں کے سوشل میڈیا استعمال سے تحفظ کے لیے وفاقی حکومت سے تفصیلی جواب طلب
اشاعت کی تاریخ: 11th, February 2026 GMT
اسلام آباد ہائیکورٹ نے کم عمر بچوں کے سوشل میڈیا کے استعمال سے پیدا ہونے والے نقصانات کے تحفظ کے حوالے سے وفاقی حکومت سے تفصیلی جواب طلب کر لیا ہے۔ عدالت نے یہ حکم 3 مارچ 2026 تک جواب جمع کرانے کے لیے دیا ہے۔
یہ کارروائی اکبر خان شنواری کی والد کی درخواست پر ہوئی، جس میں کم عمر بچوں کے آن لائن تحفظ کے اقدامات اور ریگولیٹری فریم ورک کے بارے میں معلومات طلب کی گئی تھیں۔ عدالت نے 2 صفحات پر مشتمل تحریری حکم نامہ جاری کیا۔
مزید پڑھیں: کم عمر بچوں کے سوشل میڈیا استعمال پر پابندی لگانے کے لیے لاہور ہائیکورٹ میں درخواست دینے والی 8ویں کی طالبہ کون؟
حکم نامے میں عدالت نے وزارت انفارمیشن ٹیکنالوجی، پاکستان ٹیلی کمیونیکیشن اتھارٹی (PTA) اور پیمرا کو ہدایت کی ہے کہ وہ پیرا وائز کمنٹس جمع کرائیں۔ عدالت نے وفاقی اداروں سے کہا ہے کہ وہ درج ذیل نکات پر معلومات فراہم کریں:
سوشل میڈیا ریگولیٹری اتھارٹی کے قیام اور اس کی پیشرفت
سوشل میڈیا کے استعمال، مانیٹرنگ اور PECA کی حالیہ ترامیم پر عمل درآمد کی تفصیل
کم عمر بچوں کے سوشل میڈیا استعمال کے حوالے سے بنایا گیا ریگولیٹری فریم ورک
بچوں کی عمر کے جائزے کے میکانزم اور حفاظتی اقدامات
بچوں کے تحفظ کے حوالے سے آئینی مینڈیٹ
مزید پڑھیں: آسٹریلیا نابالغ بچوں پر سوشل میڈیا پابندی لگانے والا پہلا ملک بن گیا
عدالت نے زور دیا کہ بچوں کو آن لائن نقصانات سے تحفظ فراہم کرنا انتہائی اہم ہے اور بغیر کسی ریگولیشن کے سوشل میڈیا کا استعمال بچوں کے لیے خطرناک اور ذہنی صحت و پرائیویسی کے لیے نقصان دہ ہو سکتا ہے۔
درخواست گزار نے کہا کہ دنیا بھر میں کم عمر بچوں کے سوشل میڈیا استعمال کے حوالے سے قوانین موجود ہیں اور پاکستان میں بھی مناسب اقدامات کی ضرورت ہے۔
اسلام آباد ہائیکورٹ نے واضح کیا کہ بچوں کے آن لائن تحفظ کے لیے واضح اور عملی ریگولیٹری اقدامات ضروری ہیں اور حکومت کی جانب سے بروقت جواب عدالت کے سامنے پیش کرنا لازمی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ اکبر خان شنواری جواب طلب سوشل میڈیا استعمال سوشل میڈیا پابندی کم عمر بچے وفاقی حکومت.
ذریعہ
ذریعہ: WE News
کلیدی لفظ: اسلام ا باد ہائیکورٹ اکبر خان شنواری جواب طلب سوشل میڈیا استعمال سوشل میڈیا پابندی کم عمر بچے وفاقی حکومت کم عمر بچوں کے سوشل میڈیا استعمال کے حوالے سے عدالت نے تحفظ کے کے لیے
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا