حکومت آج رمضان ریلیف پیکج کا اعلان کرے گی
اشاعت کی تاریخ: 11th, February 2026 GMT
اسلام آباد (نیوز ڈیسک) وفاقی حکومت آج رمضان ریلیف پیکیج کا اعلان کرے گی ، یہ پیکیج مالی اور ضروری امداد فراہم کرنے کے لیے تیار کیا گیا ہے۔
تفصیلات کے مطابق وفاقی حکومت آج رمضان ریلیف پیکیج کا باضابطہ اعلان کرے گی، اس موقع پر ایک خصوصی تقریب وزیراعظم ہاؤس میں منعقد کی جائے گی، جہاں وزیراعظم شہباز شریف خود پیکیج کی رونمائی کریں گے۔
ذرائع نے بتایا کہ وفاقی کابینہ کا اجلاس آج شام وزیراعظم شہباز شریف کی صدارت میں طلب کیا جا سکتا ہے تاکہ رمضان ریلیف پیکیج کی منظوری دی جا سکے۔
یہ پیکیج معاشرے کے کمزور اور مستحق طبقات کو رمضان کے مقدس مہینے میں مالی اور ضروری امداد فراہم کرنے کے لیے تیار کیا گیا ہے۔
اجلاس میں ملک کی موجودہ سیاسی اور اقتصادی صورتحال کا جائزہ بھی لیا جائے گا اور کئی اہم معاملات زیر غور آئیں گے۔
ذرائع کا کہنا ہے کہ اسلام آباد کے ٹارلائی علاقے میں حالیہ خودکش حملے کی ابتدائی رپورٹ بھی کابینہ کو پیش کی جائے گی تاکہ وزراء کو بریفنگ دی جا سکے۔
کابینہ کا اجلاس اہم پالیسی امور پر بھی غور کرے گا، خاص طور پر موجودہ سیکیورٹی اور اقتصادی چیلنجز کے پیش نظر، تاکہ عوامی مفاد میں مؤثر اقدامات کیے جا سکیں۔
.
ذریعہ
ذریعہ: Daily Mumtaz
کلیدی لفظ: رمضان ریلیف
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار