گلگت بلتستان کے سیاسی رہنماؤں کی استحکام پاکستان پارٹی میں شمولیت
اشاعت کی تاریخ: 11th, February 2026 GMT
عبدالعلیم خان کا کہنا تھا کہ گلگت بلتستان کی سیاست میں پہلی مرتبہ آئی پی پی شامل ہو رہی ہے، استحکام پاکستان پارٹی گلگت بلتستان میں ترقی کیلئے بھرپور کام کرے گی، آئی پی پی کا سب سے بڑا منشور ترقی، خوشحالی اور روزگار کی فراہمی ہے، مختلف جماعتوں کے ساتھ میرا رابطہ ہوا ہے، ان شاء اللہ جلد اس کی تفصیلات پیش کریں گے۔ اسلام ٹائمز۔ گلگت بلتستان کے سیاسی رہنماؤں نے استحکام پاکستان پارٹی میں شمولیت اختیار کرلی۔ گلگت بلتستان کے سابق گورنر راجا جلال، سابق وزیراعلیٰ حاجی گلبر خان، سابق قائد حزب اختلاف کیپٹن(ر) شفیع، سابق وزراء فاتح اللہ خان، حاجی شاہ بیگ، شمس اللہ حق، مولانا سلطان رئیس، سابق وزیر دلشاد بانو نے استحکام پاکستان پارٹی میں شمولیت اختیار کی۔
صدر استحکام پاکستان پارٹی عبدالعلیم خان نے پارٹی میں شمولیت پر مفلر پہنائے اور پارٹی میں شمولیت پر خیرمقدم کیا۔ اس موقع پر انکا کہنا تھا کہ گلگت بلتستان کی سیاست میں پہلی مرتبہ آئی پی پی شامل ہو رہی ہے، استحکام پاکستان پارٹی گلگت بلتستان میں ترقی کیلئے بھرپور کام کرے گی، آئی پی پی کا سب سے بڑا منشور ترقی، خوشحالی اور روزگار کی فراہمی ہے، مختلف جماعتوں کے ساتھ میرا رابطہ ہوا ہے، ان شاء اللہ جلد اس کی تفصیلات پیش کریں گے۔
ذریعہ
ذریعہ: Islam Times
کلیدی لفظ: استحکام پاکستان پارٹی پارٹی میں شمولیت گلگت بلتستان آئی پی پی
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا