دیامر، چلاس میں امن اور ترقی کے لیے گرینڈ جرگے کا انعقاد
اشاعت کی تاریخ: 11th, February 2026 GMT
کمانڈر ایف سی این اے نے واضح کیا کہ دیامر کے امن پسند عوام کے تعاون سے دہشت گردی اور شرپسندی کا مکمل خاتمہ کیا جائے گا، جبکہ قراقرم ہائی وے کی سیکیورٹی کو مزید مضبوط بنایا جائے گا۔ اسلام ٹائمز۔ دیامر چلاس میں امن و ترقی کیلئے گرینڈ جرگے کا انعقاد کیا گیا۔ جرگے میں کمانڈر ایف سی این اے، اسسٹنٹ چیف سیکریٹری گلگت بلتستان، آئی جی پولیس، نمائندگان عبوری حکومت، مقامی عمائدین، علمائے کرام اور ضلعی انتظامیہ کے نمائندوں نے شرکت کی۔ جرگے میں خطے کی مجموعی سیکیورٹی صورتحال اور ترقیاتی منصوبوں پر تفصیلی تبادلۂ خیال کیا گیا، جن میں دیامر بھاشا ڈیم کی بروقت تکمیل کو خطے کی معاشی ترقی کے لیے کلیدی منصوبہ قرار دیا گیا۔ تعلیم کے شعبے میں بہتری، بالخصوص بچیوں کی تعلیم کے فروغ اور تعلیمی سہولیات میں اضافے پر بھی زور دیا گیا۔ کمانڈر ایف سی این اے نے واضح کیا کہ دیامر کے امن پسند عوام کے تعاون سے دہشت گردی اور شرپسندی کا مکمل خاتمہ کیا جائے گا، جبکہ قراقرم ہائی وے کی سیکیورٹی کو مزید مضبوط بنایا جائے گا۔ انہوں نے کہا کہ پاک فوج ہمیشہ عوام کے ساتھ کھڑی ہے اور خطے کے امن و استحکام کے لیے بھرپور کردار ادا کرتی رہے گی۔جرگے کے اختتام پر تمام شرکاء نے اس عزم کا اعادہ کیا کہ دیامر کے امن، اتحاد اور ترقی کے لیے سب مل کر کام کریں گے۔
.
ذریعہ
ذریعہ: Islam Times
کلیدی لفظ: جائے گا کے امن کے لیے
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ