سردار اخترمینگل کا قومی اسمبلی رکنیت سے استعفیٰ 17 ماہ بعد منظور
اشاعت کی تاریخ: 11th, February 2026 GMT
اسلام آباد(نیوزڈیسک )اسپیکر قومی اسمبلی نے سردار اختر مینگل کا استعفیٰ منظور کر لیا،این اے 256 خضدار میں ضمنی انتخاب کی راہ ہموار ہو گئی۔
سرداراختر مینگل این اے 256 خضدارسےآٹھ فروری 2024 کو رکن قومی اسمبلی منتخب ہوئے تھے،اسپیکر نے ایک سال پانچ ماہ بعد استعفیٰ منظورکیا،سردار اختر مینگل نےتین ستمبر 2024 کو بلوچستان سے متعلق مطالبات نہ مانے جانے پر قومی اسمبلی کی رکنیت سے استعفیٰ دیا تھا۔
قومی اسمبلی سیکرٹریٹ نےمنظورشدہ استعفیٰ کی کاپی الیکشن کمیشن کو ارسال کر دی ہے اور این اے 256 خضدارکی نشست خالی قرار دینے کے لیے آگاہ کردیا گیا ہے،الیکشن کمیشن اب اس حلقے میں ضمنی انتخاب کے شیڈول کا اعلان کرے گا۔
ذرائع قومی اسمبلی سیکرٹریٹ کےمطابق استعفیٰ تین ستمبر 2024 سےمنظورکیا گیا ہے اور رولز کے تحت سردار اختر مینگل کو اس تاریخ کے بعد وصول کی گئی 17 ماہ سے زائد عرصے کی تنخواہ واپس کرنا پڑے گی کیونکہ وہ استعفیٰ کے بعد بھی تنخواہ وصول کرتے رہے۔
.
ذریعہ
ذریعہ: Daily Mumtaz
کلیدی لفظ: قومی اسمبلی
پڑھیں:
رکن پنجاب اسمبلی ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور(ڈیلی پاکستان آن لائن)لاہور میں رکن پنجاب اسمبلی ثاقب چدھڑ کے اثاثوں کی تفصیلات حاصل کرنے کے لیے الیکشن کمیشن میں درخواست دائر کر دی گئی۔
نجی ٹی وی سما نیوز کے مطابق درخواست آصف محمود ایڈووکیٹ کی جانب سےجمع کرائی گئی،جس میں ثاقب چدھڑ کےکاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔
درخواست گزار کےمطابق ثاقب چدھڑ کےخلاف سپیکرپنجاب اسمبلی کےپاس نااہلی کی درخواست بھی دائر کی جا چکی ہے،اس لیے ان کی رکنیت برقرار رہنےیا نہ رہنے کےمعاملے کی جانچ پڑتال کے لیےانتخابی ریکارڈ کا معائنہ ناگزیر ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
درخواست میں مؤقف اختیارکیا گیا ہےکہ رکن پنجاب اسمبلی پرایک خاتون کومہنگی گاڑیاں،قیمتی تحائف اورجائیداد تحفےمیں دینے کے الزامات سامنے آئے ہیں،جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ ہے۔
درخواست گزار نےمؤقف اپنایاکہ منتخب نمائندے قانون کے تحت اپنے اثاثے ظاہر کرنے کے پابند ہیں، لہٰذا ثاقب چدھڑ، انکی اہلیہ اور زیرِ کفالت افراد کے تمام پرانے اور نئے اثاثوں کا ریکارڈ فراہم کیا جائے۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے