جیکب آباد، انقلاب اسلامی کی 47ویں سالگرہ پر تقریب کا انعقاد
اشاعت کی تاریخ: 11th, February 2026 GMT
المرتضیٰ کالونی میں منعقدہ تقریب میں مقررین نے کہا کہ امام خمینیؒ نے وقت کے ظالم و جابر امریکہ کو "شیطان بزرگ" قرار دیا اور جرات و استقامت کیساتھ امریکی و استکباری سازشوں کا مقابلہ کیا۔ اسلام ٹائمز۔ انقلاب اسلامی ایران کی 47ویں سالگرہ کے موقع پر المرتضیٰ کالونی جیکب آباد میں مجلس وحدت مسلمین پاکستان کے مرکزی سیکرٹری نشر و اشاعت و صوبائی آرگنائزر سندھ علامہ مقصود علی ڈومکی کی زیر صدارت ایک پروقار تقریب "جشن انقلاب اسلامی" کا انعقاد کیا گیا۔ تقریب میں مختلف مکاتب فکر کے علماء کرام، سیاسی، سماجی و مذہبی رہنماؤں اور طلباء و طالبات نے شرکت کی۔ تقریب سے وحدت یوتھ ڈویژن لاڑکانہ کے صدر اللہ بخش میرالی، مجلس علماء مکتب اہل بیت کے ضلع صدر علامہ سیف علی ڈومکی، سماجی رہنماء حاجی شاہ مراد خان ڈومکی، الظفر پبلک اسکول کے چیئرمین ظفر علی ٹالانی و سماجی رہنماء رحمدل خان ٹالانی، آئی ایس او ضلع جیکب آباد کے صدر اظہار الحسن اور دیگر معزز شخصیات نے خطاب کیا۔
اس موقع پر خطاب کرتے ہوئے علامہ مقصود علی ڈومکی نے کہا کہ انقلاب اسلامی کا پیغام عالم انسانیت کے لیے نور و ہدایت کا پیغام ہے۔ حضرت امام خمینی رحمۃ اللہ علیہ نے عالمی استکباری قوتوں کے مقابلے میں دنیا بھر کے مظلوموں کو متحد ہونے کی دعوت دی۔ آپؒ نے اللہ تعالیٰ پر کامل توکل اور عوامی طاقت کے ذریعے ایران پر مسلط اڑھائی ہزار سالہ شہنشاہیت کو عبرتناک شکست دے کر قرآن و سنت کی روشنی میں ایک الٰہی و اسلامی نظام قائم کیا۔ انقلاب اسلامی پہلے دن سے مظلومین فلسطین کا حامی ہے۔ انہوں نے کہا کہ امام خمینیؒ نے وقت کے ظالم و جابر امریکہ کو "شیطان بزرگ" قرار دیا اور جرات و استقامت کے ساتھ امریکی و استکباری سازشوں کا مقابلہ کیا۔ امام خمینیؒ عصر حاضر کے عظیم فقیہ، مجتہد، فلسفی، عارف باللہ اور انقلابی رہنماء تھے، جنہوں نے شجاعت بصیرت و حکمت کے ساتھ عوام کی رہبری کی۔
وحدت یوتھ ڈویژن لاڑکانہ کے صدر اللہ بخش میرالی نے کہا کہ انقلاب اسلامی آج نور کی کرن بن کر پوری دنیا میں چمک رہا ہے اور ہر گزرتے دن کے ساتھ شیطان بزرگ امریکہ اور اسرائیل کی ذلت و رسوائی میں اضافہ ہو رہا ہے۔ مجلس علمائے مکتب اہل بیت کے رہنماء علامہ سیف علی ڈومکی نے اپنے خطاب میں کہا کہ حضرت امام خمینیؒ کا انقلاب آج پوری قوت کے ساتھ امریکہ اور اسرائیل کے مقابلے میں ڈٹا ہوا ہے اور رہبر معظم سید علی خامنہ ای کی قیادت میں عصر حاضر کے شیاطین کا مقابلہ کیا جا رہا ہے۔ الظفر پبلک اسکول کے چیئرمین ظفر علی خان ٹالانی نے کہا کہ انقلاب اسلامی اور امام خمینیؒ نے اتحاد بین المسلمین کے پیغام کو عام کیا اور کربلا سے جرات و شجاعت کا درس لیتے ہوئے وقت کے یزید کا ڈٹ کر مقابلہ کیا۔
امامیہ اسٹوڈنٹس آرگنائزیشن ضلع جیکب آباد کے صدر اظہار الحسن نے کہا کہ رہبر معظم سید علی خامنہ ای کی قیادت میں انقلاب اسلامی مظلومین فلسطین کے شانہ بشانہ کھڑا ہے۔ انقلاب اسلامی دن دگنی رات چوگنی ترقی کر رہا ہے۔ ہم رہبر معظم کے سپاہی پوری دنیا میں پھیلے ہوئے ہیں۔ آل ڈومکی اتحاد کے وائس چیئرمین حاجی شاہ مراد خان ڈومکی نے اپنے خطاب میں کہا کہ اتحاد و اتفاق قوموں کی ترقی اور عزت کا سبب بنتا ہے۔ آج امت مسلمہ کو اتحاد و وحدت کی اشد ضرورت ہے۔ تقریب کے اختتام پر ملک و ملت کی سلامتی، اتحاد بین المسلمین، انقلاب اسلامی کی حفاظت اور عالم اسلام کی سربلندی کے لئے خصوصی دعا کی گئی۔
ذریعہ
ذریعہ: Islam Times
کلیدی لفظ: انقلاب اسلامی مقابلہ کیا جیکب آباد علی ڈومکی نے کہا کہ کے ساتھ کے صدر رہا ہے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
وزارت آئی ٹی نے 1.67 ارب روپے سے زاید کے فنڈز طلب کرلیے