سکھر: رمضان کے سلسلے میں سیپکو کا کنٹرول روم قائم ،بجلی کی فراہمی یقینی بنائے جائے گی
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سکھر (نمائندہ جسارت) ماہ رمضان کے سلسلے میں سیپکو کا کنٹرول روم قائم ، سحر و افطار اور تراویح میں بجلی کی بلا تعطل فراہمی یقینی بنانے کا اعلان ،سکھر الیکٹرک پاور کمپنی (سیپکو) نے ماہِ صیام کے دوران بجلی کی مسلسل اور بلا تعطل فراہمی یقینی بنانے کے لیے خصوصی کنٹرول روم قائم کر دیا ہے۔ ترجمان سیپکو کے مطابق سحر، افطار اور نمازِ تراویح کے اوقات میں بجلی کی فراہمی برقرار رکھنے کے لیے ہنگامی بنیادوں پر انتظامات مکمل کر لیے گئے ہیں۔سی ای او سیپکو اعجاز احمد چنہ نے اس حوالے سے بتایا کہ رمضان المبارک کے بابرکت مہینے میں صارفین کو زیادہ سے زیادہ ریلیف فراہم کرنے کے لیے مرکزی کنٹرول روم فعال کر دیا گیا ہے جہاں افسران اور متعلقہ عملہ تعینات کر دیا گیا ہے۔انہوں نے کہا کہ خصوصی ٹیمیں 24 گھنٹے نگرانی کریں گی تاکہ سحر و افطار اور تراویح کے دوران اگر کسی بھی فیڈر یا گرڈ پر تکنیکی خرابی یا بجلی کی بندش کا مسئلہ درپیش ہو تو اسے فوری طور پر حل کیا جا سکے۔اعجاز احمد چنہ کا کہنا تھا کہ سیپکو اپنے صارفین کو بہتر سہولیات کی فراہمی کے لیے ہمہ وقت کوشاں ہے۔ رمضان المبارک میں بجلی کی بلا تعطل فراہمی کمپنی کی اولین ترجیح ہے اور اس سلسلے میں تمام آپریشنل و فیلڈ اسٹاف کو ہائی الرٹ رکھا گیا ہے۔ انہوں نے مزید کہا کہ شکایات کے فوری ازالے کے لیے مانیٹرنگ کا مؤثر نظام وضع کیا گیا ہے تاکہ عوام کو کسی قسم کی پریشانی کا سامنا نہ کرنا پڑے۔
ذریعہ
ذریعہ: Jasarat News
کلیدی لفظ: کنٹرول روم بجلی کی گیا ہے کے لیے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا