عمان نے رمضان المبارک کی رویت سے متعلق سرکاری اعلان کردیا
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سلطنت عمان نے رواں سال ماہِ رمضان کے آغاز سے متعلق باضابطہ اعلان جاری کردیا ہے جس کے مطابق پہلا روزہ 19 فروری کو رکھا جائے گا۔
یہ فیصلہ ہلال کمیٹی کی سفارشات اور فلکیاتی مشاہدات کی بنیاد پر کیا گیا ہے تاکہ عوام کو بروقت آگاہی فراہم کی جاسکے۔
مرکزی چاند دیکھنے والی کمیٹی کے بیان میں کہا گیا ہے کہ شعبان کی 29 تاریخ کو چاند نظر آنے کے امکانات نہایت کم ہیں کیونکہ فلکیاتی حسابات کے مطابق منگل کے روز چاند غروبِ آفتاب سے قبل دکھائی نہیں دے سکے گا۔
انہوں نے کہا کہ اس صورتحال میں بصری طور پر ہلال کی رویت ممکن نہیں ہوگی، لہٰذا شعبان کے تیس دن مکمل کیے جائیں گے۔
حکام نے واضح کیا کہ ہجری مہینے کے آغاز کے تعین میں شرعی اصولوں کے ساتھ جدید فلکیات کو بھی مدنظر رکھا گیا ہے تاکہ فیصلہ روایتی تقاضوں اور سائنسی شواہد دونوں سے ہم آہنگ ہو۔
بیان میں عوام سے کہا گیا ہے کہ وہ رمضان المبارک کی تیاریوں اور عبادات کے انتظامات اسی اعلان کے مطابق ترتیب دیں۔
سلطنت عمان میں اس فیصلے کو سرکاری سطح پر اہم پیش رفت قرار دیا جارہا ہے کیونکہ بروقت اعلان سے روزمرہ امور اور مذہبی سرگرمیوں کی منصوبہ بندی میں سہولت میسر آئے گی۔
.
ذریعہ
ذریعہ: Jasarat News
کلیدی لفظ: گیا ہے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا