نجم سیٹھی نے لائیو ٹی وی پر بھارتی صحافی کی بولتی بند کردی
اشاعت کی تاریخ: 12th, February 2026 GMT
سابق چیئرمین پاکستان کرکٹ بورڈ (پی سی بی) نجم سیٹھی نے لائیو ٹی وی پر معروف بھارتی صحافی راجدیپ سردیسائی کی بولتی بند کردی۔
نجم سیٹھی نے راجدیپ سردیسائی کے ساتھ لائیو پروگرام میں گفتگو کے دوران پاکستان کے ٹی 20 ورلڈ کپ میں بھارت کے خلاف میچ کے بائیکاٹ کے فیصلے کا بھرپور دفاع کیا۔
نجم سیٹھی نے مؤقف اختیار کیا کہ پاکستان کا 15 روزہ بائیکاٹ نوٹس کوئی جذباتی قدم نہیں تھا بلکہ ایک سوچی سمجھی حکمتِ عملی تھی، جس کا مقصد آئی سی سی اور بنگلہ دیش کے ساتھ مذاکرات کے لیے گنجائش پیدا کرنا تھا۔
انہوں نے کہا کہ پاکستان نے تمام قانونی پہلوؤں کا جائزہ لیا اور ملکی و غیر ملکی ماہر وکلا سے مشاورت کی۔
ان کے مطابق پاکستان کو یقین تھا کہ اس اقدام پر کوئی سخت پابندی عائد نہیں کی جاسکتی اور زیادہ سے زیادہ ایک پوائنٹ کا نقصان ہو سکتا تھا۔
نجم سیٹھی نے کہا کہ اب پاکستان مالی طور پر آئی سی سی پر انحصار نہیں کرتا کیونکہ پی ایس ایل نمایاں حد تک ترقی کرچکی ہے اور اس سے حاصل ہونے والی آمدن آئی سی سی سے زیادہ ہے۔
ان کا کہنا ہے کہ براڈکاسٹرز کا دباؤ بھی آئی سی سی پر اثرانداز ہوا، جس کے باعث پس پردہ مذاکرات شروع ہوئے۔
انہوں نے کہا کہ آئی سی سی کے ڈپٹی چیئرمین عمران خواجہ نے بھی اس معاملے میں کردار ادا کیا اور بالآخر پاکستان کو میچ کھیلنے پر آمادہ کرنے کے لیے بات چیت ہوئی۔
گفتگو کے دوران راجدیپ سردیسائی نے مؤقف اپنایا کہ بھارت کرکٹ کی سپر پاور ہے اور دنیا بھارتی لیگ کھیلنا چاہتی ہے، پاکستان کرکٹ کو سیاست سے جوڑ رہا ہے۔
اس پر نجم سیٹھی نے تسلیم کیا کہ بھارت آئی سی سی ریونیو میں بڑا حصہ ڈالتا ہے اور بی سی سی آئی مالی طور پر مضبوط ہے، تاہم انہوں نے زور دیا کہ آئی سی سی کو ایک آزاد اور منصفانہ ادارے کے طور پر کام کرنا چاہیے۔
انہوں نے بگ تھری ریونیو فارمولے کی مخالفت کا حوالہ دیتے ہوئے کہا کہ میں ابتدا ہی سے اس نظام کے خلاف تھا کیونکہ وہ غیر منصفانہ تھا اور بعد میں اسے ختم کرنا پڑا۔
نجم سیٹھی نے کہا کہ بھارتی کھلاڑیوں کو بیرون ملک لیگز میں کھیلنے کی اجازت نہیں دی جاتی، جبکہ پاکستانی کھلاڑی دنیا بھر کی لیگز میں شرکت کرتے ہیں، انہوں نے بھارت پر دوطرفہ سیریز سے گریز کا الزام بھی عائد کیا۔
راجدیپ سردیسائی نے سیکیورٹی اور دہشت گردی کے خدشات کا ذکر کیا، جس پر نجم سیٹھی نے جوابی مؤقف اختیار کرتے ہوئے کہا کہ الزامات یکطرفہ نہیں ہونے چاہئیں اور دونوں ممالک ایک دوسرے پر الزامات عائد کرتے رہے ہیں۔
جب سردیسائی نے سوال کیا کہ آیا یہ فیصلہ واقعی بنگلہ دیش کے ساتھ یکجہتی کے لیے تھا یا سیاسی حکمت عملی، تو نجم سیٹھی نے کہا کہ گزشتہ برسوں میں بنگلہ دیش کی حکومت بھارت کے قریب رہی، جبکہ اب حالات بدل چکے ہیں۔
پروگرام کے اختتام پر سردیسائی نے نجم سیٹھی کی صاف گوئی کو سراہا، تاہم یہ سوال برقرار رکھا کہ آیا کرکٹ کے میدان کو سیاست سے الگ نہیں ہونا چاہیے۔
.
ذریعہ
ذریعہ: Daily Mumtaz
کلیدی لفظ: راجدیپ سردیسائی نجم سیٹھی نے نے کہا کہ انہوں نے
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار