رنویر سنگھ کے بعدسلمان خان کے بہنوئی کو بھی دھمکی آمیز پیغام موصول
اشاعت کی تاریخ: 12th, February 2026 GMT
بالی ووڈ اداکار سلمان خان کے بہنوئی اور اداکار آیوش شرما کو مبینہ طور پر دھمکی آمیز ای میل موصول ہوئی ہے۔ پولیس کے مطابق ای میل بھیجنے والے نے خود کو لارنس بشنوئی گینگ کا رکن ظاہر کیا ہے۔
یہ پیش رفت ایک ایسے وقت میں سامنے آئی ہے جب ایک روز قبل اداکار رنویر سنگھ کو بھی واٹس ایپ پر نامعلوم افراد کی جانب سے وائس نوٹ کے ذریعے دھمکی موصول ہوئی تھی۔ پولیس حکام کا کہنا ہے کہ دونوں واقعات کے ممکنہ روابط کا جائزہ لیا جا رہا ہے۔
یہ بھی پڑھیں: سلمان خان کی 60ویں سالگرہ پر کھلے عام موٹرسائیکل پر سیر، ویڈیو وائرل
پولیس کے مطابق آیوش شرما کی جانب سے تاحال کوئی باضابطہ شکایت درج نہیں کرائی گئی تاہم معاملے کی حساسیت کے پیش نظر ممبئی پولیس نے ازخود تحقیقات کا آغاز کر دیا ہے۔ کرائم برانچ کے اہلکار ای میل کی صداقت اور اس کے پس منظر کا جائزہ لے رہے ہیں تاکہ یہ معلوم کیا جا سکے کہ آیا یہ واقعی کسی جرائم پیشہ گروہ کی جانب سے بھیجی گئی یا کسی نے شرارت کی ہے۔
یاد رہے کہ لارنس بشنوئی گینگ ماضی میں بھی سلمان خان اور ان کے قریبی افراد کو مبینہ طور پر نشانہ بنانے کی دھمکیاں دیتا رہا ہے۔ اس کی وجہ 1998 کا وہ مقدمہ بتایا جاتا ہے جس میں سلمان خان پر راجستھان میں فلم ’ہم ساتھ ساتھ ہیں‘ کی شوٹنگ کے دوران کالے ہرن کے شکار کا الزام عائد کیا گیا تھا۔ کالاہرن بشنوئی برادری کے نزدیک مقدس جانور سمجھا جاتا ہے۔
یہ بھی پڑھیں: سلمان خان کی دوستوں کے لیے بھیل پوری بنانے کی ویڈیو وائرل
گزشتہ ہفتے ممبئی کے علاقے جوہو میں فلم ساز روہت شیٹی کی رہائش گاہ پر نامعلوم افراد نے فائرنگ کی تھی جس میں پانچ گولیاں چلائی گئیں۔ پولیس کے مطابق ان واقعات کے پس منظر اور ممکنہ روابط کی مختلف زاویوں سے تفتیش جاری ہے۔
سیکیورٹی اداروں نے متعلقہ شخصیات کی حفاظت کے انتظامات کا بھی جائزہ لیا ہے جبکہ تحقیقات مکمل ہونے تک حتمی رائے دینے سے گریز کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آیوش شرما بالی ووڈ رنویر سنگھ سلمان خان کالا ہرن کالا ہرن شکار لارنس بشنوئی گینگ.
ذریعہ
ذریعہ: WE News
کلیدی لفظ: آیوش شرما بالی ووڈ رنویر سنگھ کالا ہرن کالا ہرن شکار لارنس بشنوئی گینگ
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار