بنگلادیشی الیکشن: شفیق الرحمان، محمد یونس اور طارق رحمان نے حقِ رائے دہی استعمال کر لیا
اشاعت کی تاریخ: 12th, February 2026 GMT
بنگلادیش میں عام انتخابات کے موقع پر ملک بھر میں ووٹنگ کا عمل پوری سرگرمی کے ساتھ جاری ہے، جہاں سیاسی قیادت سمیت مختلف مکاتبِ فکر سے تعلق رکھنے والی اہم شخصیات نے حقِ رائے دہی استعمال کرتے ہوئے جمہوری عمل میں شرکت کی، اس موقع پر جماعت اسلامی کے امیر شفیق الرحمان، بنگلادیش نیشنل پارٹی کے سربراہ طارق رحمان، ملک کے چیف ایڈوائزر پروفیسر محمد یونس اور نوجوانوں کی نمائندہ جماعت نیشنل سٹیزن پارٹی کے کنوینر ناہید الاسلام نے پولنگ اسٹیشن پہنچ کر ووٹ ڈالا۔
جماعت اسلامی کے امیر شفیق الرحمان نے ووٹ کاسٹ کرنے کے بعد میڈیا سے گفتگو میں کہا کہ یہ انتخابات بنگلادیش کی سیاسی تاریخ میں فیصلہ کن حیثیت رکھتے ہیں کیونکہ عوام کے مطالبات، ترجیحات اور سوچ میں نمایاں تبدیلی آچکی ہے، قوم اب ایک نئے راستے کی متلاشی ہے اور جماعت اسلامی بھی اسی مثبت تبدیلی کا حصہ بننا چاہتی ہے۔
انہوں نے واضح کیا کہ اگر انتخابی عمل شفاف، آزاد اور غیر جانبدار رہا تو ان کی جماعت نتائج کو دل سے قبول کرے گی، اور دیگر سیاسی قوتوں کو بھی چاہیے کہ وہ عوامی فیصلے کا احترام کریں۔
دوسری جانب بنگلادیش نیشنل پارٹی کے قائد طارق رحمان نے کہا کہ انتخابات کے دوران امن و امان کی بحالی ان کی اولین ترجیح ہے تاکہ ووٹرز بلا خوف و خطر پولنگ اسٹیشنز تک پہنچ سکیں، ملک کی نصف سے زیادہ آبادی خواتین پر مشتمل ہے، اس لیے بی این پی کی پالیسیوں میں خواتین کی فلاح و بہبود کو مرکزی حیثیت حاصل ہوگی، عوام کی حمایت ان کے ساتھ ہے اور انہیں کامیابی کی پوری امید ہے۔
این سی پی کے کنوینر ناہید الاسلام نے کہا کہ پہلی مرتبہ انہوں نے بغیر کسی دباؤ اور خوف کے حقِ رائے دہی استعمال کیا، جو جمہوریت کے لیے خوش آئند علامت ہے۔
ناہید الاسلام نے نوجوانوں اور عام شہریوں سے اپیل کی کہ وہ گھروں سے نکل کر ووٹ ڈالیں اور ملک کے مستقبل کے تعین میں اپنا بھرپور کردار ادا کریں۔
.
ذریعہ
ذریعہ: Al Qamar Online
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا