ملتان: فوڈ اتھارٹی کارروائی، بیکری سے 2 ہزار بدبودار انڈے برآمد
اشاعت کی تاریخ: 12th, February 2026 GMT
ملتان: ( نیوزڈیسک) ملتان میں پنجاب فوڈ اتھارٹی نے محلہ غریب آباد وہاڑی چوک میں واقع بیکری پر کارروائی کرتے ہوئے تقریباً 2 ہزار کے قریب بدبودار اور خراب انڈے برآمد کر کے تلف کر دیئے۔
کارروائی کے دوران بیکری مالک کے خلاف مقدمہ درج کر لیا گیا جبکہ 2 افراد کو موقع سے گرفتار کر لیا گیا ہے۔
ڈی جی فوڈ اتھارٹی کے مطابق بیکری میں ناقص اور خراب انڈوں سے بھاری مقدار میں کیک رس، بسکٹ اور دیگر بیکری مصنوعات تیار کرنے کی تیاری کی جا رہی تھی، جو انسانی صحت کیلئے انتہائی مضر ثابت ہو سکتی تھیں۔
فوڈ سیفٹی ٹیم نے فوری کارروائی کرتے ہوئے تمام خراب انڈے ضائع کر دیئے اور بیکری کی پروڈکشن بند کر دی۔حکام کا کہنا ہے کہ شہریوں کی صحت سے کھیلنے والوں کے خلاف بلاامتیاز کارروائیاں جاری رہیں گی، خوراک کے معیار پر کسی قسم کا سمجھوتہ نہیں کیا جائے گا۔
.
ذریعہ
ذریعہ: Daily Mumtaz
پڑھیں:
ہیڈ مرالہ میں پانی کی سطح میں ایک بارپھر اضافہ
سٹی 42 : سیالکوٹ میں ہیڈ مرالہ کے مقام پر پانی کی سطح میں ایک بار پھر اضافہ ہونے لگا۔
ہیڈ مرالہ میں مجموعی پانی کی آمد 1 لاکھ 95 ہزار 857 کیوسک، ہے ۔دریائے چناب میں اخراج 1 لاکھ 80 ہزار 356 کیوسک ریکارڈ کیا گیا ۔
جموں توی میں 11 ہزار 868 کیوسک جبکہ مناور توی میں 5 ہزار 747 کیوسک پانی ریکارڈ کیا گیا ۔ دریائے چناب میں بہاؤ 1 لاکھ 74 ہزار 441 کیوسک ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا