ڈاکٹر پرویز اقبال لوہسر کی رائل پیلس شارجہ میں شیخ سعود بن فیصل سلطان القاسمی سے ملاقات
اشاعت کی تاریخ: 13th, February 2026 GMT
چیئرمین ای یو پاک فرینڈشپ فیڈریشن یورپ، ڈاکٹر پرویز اقبال لوہسر (تمغۂ خدمت) نے 12 فروری 2026 کو رائل پیلس شارجہ میں شیخ سعود بن فیصل سلطان القاسمی سے ملاقات کی، جو شارجہ اور رأس الخیمہ کے حکمران خاندان کے معزز رکن ہیں۔
ملاقات نہایت خوشگوار اور تعمیری ماحول میں منعقد ہوئی جس میں باہمی دلچسپی کے امور، دوطرفہ تعاون کے فروغ اور شارجہ، یورپ اور پاکستان کے درمیان تعلقات کو مزید مضبوط بنانے پر تبادلہ خیال کیا گیا۔
مزید پڑھیں: پاکستان آرمی پاکستان اور پوری مسلم اُمہ کی محافظ ہے، ڈاکٹر پرویز اقبال لوہسر
ڈاکٹر پرویز اقبال لوہسر نے شارجہ کی جانب سے بین الاقوامی میلوں اور نمائشوں کے انعقاد میں ادا کیے جانے والے اہم کردار کو سراہتے ہوئے اسے عالمی تجارت، سرمایہ کاری اور ثقافتی روابط کے فروغ کے لیے نہایت مؤثر قرار دیا۔
اس موقع پر شیخ سعود بن فیصل سلطان القاسمی نے شارجہ کے شعبۂ صحت کے مختلف اقدامات پر روشنی ڈالی جو عام افراد کی زندگی کے معیار کو بہتر بنانے کے لیے کیے جا رہے ہیں۔ ڈاکٹر لوہسر نے عوامی فلاح، کاروباری برادری کو سہولیات کی فراہمی اور ترقیاتی منصوبوں میں ان کی قیادت کو خراج تحسین پیش کیا۔
ملاقات میں شارجہ، یورپ اور پاکستان کے درمیان تجارتی و معاشی روابط کو مزید وسعت دینے پر بھی اتفاق کیا گیا۔ ڈاکٹر پرویز اقبال لوہسر نے شیخ کو یورپ کے دورے کی باضابطہ دعوت دی جسے انہوں نے قبول کرلیا اور مستقبل قریب میں پاکستان کے دورے کی خواہش کا بھی اظہار کیا۔
یہ امر قابل ذکر ہے کہ شیخ فیصل سلطان القاسمی، جو شیخ سعود بن فیصل سلطان القاسمی کے والد ہیں، متحدہ عرب امارات کے سابق چیف آف آرمی اسٹاف رہ چکے ہیں۔
مزید پڑھیں: اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت
شیخ سعود بن فیصل سلطان القاسمی مختلف شعبہ جات میں اہم قیادی ذمہ داریاں بھی سرانجام دے رہے ہیں۔ وہ مارویلیکس گروپ آف کمپنیز، ایس بی ایف اسٹیبلشمنٹ، رائل بزنس کلب، کیش پے، شیئر، کامن ویلتھ یونین بلاک چین نیٹ ورکس، رائزر کیپیٹل، رائل امپیریل گولڈ ریفائنری اور بیسٹ ہوم رئیل اسٹیٹ کے چیئرمین ہیں۔ اس کے علاوہ وہ فیصل ہولڈنگ کے ڈائریکٹر کے طور پر بھی خدمات انجام دے رہے ہیں۔
ملاقات میں علامہ عاصد علوی، مظہر موسوی، سلطان ملہی اور محمد عثمان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای یو پاک فرینڈشپ فیڈریشن یورپ، ڈاکٹر پرویز اقبال لوہسر رائل پیلس شارجہ شیخ سعود بن فیصل سلطان القاسمی.
ذریعہ
ذریعہ: WE News
کلیدی لفظ: ای یو پاک فرینڈشپ فیڈریشن یورپ رائل پیلس شارجہ شیخ سعود بن فیصل سلطان القاسمی شیخ سعود بن فیصل سلطان القاسمی
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے