کیا آپ چاہتی ہیں کہ میں عاصم اظہر کا نام لوں؟ ہانیہ عامر کا پسندیدہ گلوکار سے متعلق سوال پر جواب
اشاعت کی تاریخ: 13th, February 2026 GMT
عالمی شہرت یافتہ پاکستانی اداکارہ ہانیہ عامر نے اپنے اور گلوکار عاصم اظہر کے رومانوی تعلقات سے متعلق قیاس آرائیوں کو ایک بار پھر ہوا دے دی۔
حال ہی میں اداکارہ سے ان کے پسندیدہ گلوکار سے متعلق سوال پوچھا گیا، جس پر انہوں نے بے ساختہ اور شرارتی انداز میں جواب دیا جسے سن کر مداحوں میں ایک بار پھر عاصم اظہر کے ساتھ تعلق کی چہ مگوئیاں تیز ہو گئیں۔
گزشتہ دنوں اداکارہ اس وقت سب کی توجہ کا مرکز بن گئیں جب وہ ایک میک اَپ مقابلے میں بطور جج اسٹیج پر موجود تھیں۔
مقابلے کے اختتام پر حاضرین میں موجود ایک خاتون مداح نے ہانیہ سے سوال کیا کہ آپ کا پسندیدہ گلوکار کون ہے؟ اور کونسا گانا پسند ہے؟ جس پر انہوں نے مسکراتے ہوئے جواب دیا کہ کیا آپ چاہتی ہیں کہ میں عاصم اظہر کا نام لوں؟
اداکارہ کے اس نہایت معنی خیز جملے پر ہال قہقہوں اور نعروں سے گونج اٹھا اور ڈرامہ سیریل میری زندگی ہے تو کی اداکارہ خود بھی ہنسی نہ روک سکیں اور انہوں نے ہنستے ہوئے کہا کہ کبھی کبھی مجھے خود سے بھی محبت ہو جاتی ہے۔
وائرل ویڈیو پر ردِعمل کا اظہار کرتے ہوئے مداحوں نے اس لمحے کا موازنہ بھارتی اداکارہ انوشکا شرما سے کیا، جن سے ماضی میں میڈیا اکثر ان کے پسندیدہ کرکٹر کے بارے میں سوال کرتا تھا جب وہ اپنے موجودہ شوہر ویرات کوہلی کے ساتھ رومانوی تعلق میں تھیں۔
یاد رہے کہ ہانیہ عامر اور عاصم اظہر کے درمیان دوبارہ قربت کی قیاس آرائیوں نے اُس وقت زور پکڑا جب گلوکار نے اپنی سابق منگیتر میرب علی سے 3 سالہ منگنی ختم کر کے علیحدگی اختیار کی۔
دونوں شخصیات کو حالیہ دنوں میں متعدد تقریبات میں ایک ساتھ دیکھا گیا ہے، جس کے بعد سوشل میڈیا پر ان کی ممکنہ شادی کی افواہیں بھی گردش کر رہی ہیں، تاہم ہانیہ عامر اور عاصم اظہر کی جانب سے تاحال ان خبروں کی تصدیق یا تردید سامنے نہیں آئی ہے۔
.
ذریعہ
ذریعہ: Daily Mumtaz
کلیدی لفظ: ہانیہ عامر
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا