مظفرآباد، سیلفی لیتے ہوئے دریا میں ڈوبنے والے نوجوان کی لاش 26 روز بعد برآمد
اشاعت کی تاریخ: 13th, February 2026 GMT
مظفرآباد میں سہیلی سرکار میلہ کے دوران ٹاہلی منڈی کے مقام پر سیلفی لیتے ہوئے دریائے نیلم میں ڈوبنے والے نوجوان جلال طاہر ساکنہ انوار شریف کی لاش 26 روز بعد آزاد پتن جھیل سے برآمد کرلی گئی۔
یہ بھی پڑھیں: کار دریائے نیلم میں جاگری، 6 افراد جاں بحق، ایک بچہ لاپتا
ریسکیو ذرائع کے مطابق واٹر ریسکیو ایس ڈی ایم اے مظفرآباد کے ماہر غوطہ خوروں نے طویل سرچ آپریشن کے بعد لاش کو برآمد کیا۔ یہ آپریشن مظفرآباد سے آزاد پتن جھیل (پلندری) تک مسلسل 26 دن جاری رہا۔
سرچ آپریشن میں ریسکیو 1122 مظفرآباد، واٹر ریسکیو ایس ڈی ایم اے دومیل بارہ دری یونٹ، واٹر ریسکیو ایس ڈی ایم اے راڑو اور ریسکیو 1122 آزاد پتن کی ٹیموں نے مشترکہ طور پر حصہ لیا۔
یہ بھی پڑھیں: چکوٹھی: جوان لڑکی نے خود کو دریائے جہلم کے سپرد کردیا
لاش کی برآمدگی کے بعد ضروری کارروائی کے لیے متعلقہ حکام کے حوالے کردی گئی ہے، جبکہ اہلخانہ میں غم کی فضا چھائی ہوئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد پتن جھیل آزاد کشمیر دریائے نیلم سہیلی سرکار میلہ سیلفی لاش برآمد مظفرآباد.
ذریعہ
ذریعہ: WE News
کلیدی لفظ: دریائے نیلم سیلفی لاش برا مد
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب آ گیا
لاہور: دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔ فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھیواضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا