یورپ میں ڈیجیٹل قدغنیں سخت، پرتگال نے بھی بچوں پر پابندی عائد کردی
اشاعت کی تاریخ: 13th, February 2026 GMT
پرتگال یورپ میں کم عمر بچوں کے لیے سوشل میڈیا پر پابندیوں میں شامل ہونے والا ملک بن گیا ہے، جہاں پارلیمنٹ نے ایک بل کی منظوری دے دی ہے جس کے تحت سوشل نیٹ ورکس اور ویڈیو شیئرنگ پلیٹ فارمز تک خود مختار رسائی کی حد کم از کم عمر 16 سال مقرر کردی گئی ہے۔
یہ بھی پڑھیں: ملائیشیا میں 16 سال سے کم عمر بچے سوشل میڈیا استعمال نہیں کر سکیں گے
نئے قانون کے مطابق 13 سال یا اس سے زائد عمر کے بچے سوشل میڈیا استعمال کرسکیں گے، تاہم انہیں والدین یا قانونی سرپرست کی اجازت لینا لازم ہو گی۔ بل میں عمر کی تصدیق کے لیے ایک مؤثر نظام متعارف کرانے کی بھی شق شامل کی گئی ہے، جو ڈیجیٹل موبائل کی یا دیگر محفوظ سسٹمز سے منسلک ہو گا تاکہ صارفین کی درست شناخت یقینی بنائی جا سکے۔
پارلیمانی اجلاس کے دوران اپوزیشن جماعتوں نے قانون کے ممکنہ اثرات پر تحفظات کا اظہار کیا، خصوصاً پرائیویسی اور ڈیٹا اکٹھا کیے جانے کے حوالے سے خدشات سامنے آئے۔ بعض اراکین نے بل کی مخالفت کرتے ہوئے کہا کہ یہ اقدام شہری آزادیوں کو محدود کرنے کی کوشش ہے۔
یہ بھی پڑھیں: 16 سال سے کم عمر بچوں نے سوشل میڈیا اکاؤنٹ بنایا تو کتنی سزا ہوگی؟
سوشل میڈیا کے ذہنی صحت اور نوجوانوں کی نشوونما پر اثرات سے متعلق خدشات کے باعث دنیا کے مختلف ممالک میں بھی سخت قوانین پر غور کیا جا رہا ہے۔ اٹلی کی پارلیمنٹ نے گزشتہ سال مئی میں 15 سال سے کم عمر بچوں کے لیے سوشل نیٹ ورکس پر پابندی سے متعلق بل پیش کیا تھا، جو اب اطالوی سینیٹ میں مزید غور کے مرحلے میں ہے۔
اسی طرح آسٹریلیا، جرمنی اور اسپین میں بھی 16 سال سے کم عمر افراد کے لیے سوشل میڈیا پر پابندیوں کی سمت پیشرفت کی جارہی ہے، جبکہ سلووینیا اور یونان بھی اسی نوعیت کی قانون سازی کی تیاری کررہے ہیں۔
یہ بھی پڑھیں: کم عمر بچے بھی نفسیاتی مسائل کا شکار کیوں ہورہے ہیں؟
ماہرین کے مطابق یہ اقدامات بچوں اور نوجوانوں کو آن لائن نقصانات سے بچانے کی عالمی کوششوں کا حصہ ہیں، جن کا مقصد سوشل میڈیا کے استعمال کو زیادہ محفوظ اور ذمہ دار بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اٹلی پابندی پرتگال سوشل میڈیا قانون سازی کم عمر بچے ملائشیا یورپ.
ذریعہ
ذریعہ: WE News
کلیدی لفظ: اٹلی پابندی پرتگال سوشل میڈیا کم عمر بچے ملائشیا یورپ سال سے کم عمر سوشل میڈیا کے لیے
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا