پاک امریکا تعلقات میں گرمجوشی، اعلیٰ سفارتی دورہ، تعلیمی روابط اور اسپورٹس ڈپلومیسی نمایاں
اشاعت کی تاریخ: 13th, February 2026 GMT
امریکا اور پاکستان کے دوطرفہ تعلقات میں اس ہفتے سفارتی، تعلیمی اور ثقافتی سرگرمیاں نمایاں رہیں، جب امریکی محکمہ خارجہ کے ڈپٹی اسسٹنٹ سیکرٹری جان مارک پومرشائم نے پاکستان کا دورہ کیا اور اعلیٰ حکومتی شخصیات، کاروباری رہنماؤں اور مصنوعی ذہانت کے شعبے سے وابستہ ماہرین سے ملاقاتیں کیں۔
یہ بھی پڑھیں:پاک امریکا تعلقات: دہشتگردی، سیکیورٹی اور سرمایہ کاری میں تعاون جاری
امریکی سفارتخانے کی جانب سے جاری ہفتہ وار ویڈیو پیغام میں ترجمان ہیرلسن کین نے بتایا کہ یہ دورہ مستقبل کی ٹیکنالوجی، جدت اور معاشی شراکت داری کے فروغ کی کوششوں کا حصہ ہے، جس کا مقصد دونوں ممالک کے تعلقات کو نئی جہت دینا ہے۔
امریکا کی آزادی کے 250 سال مکمل ہونے کی تقریبات بھی جاری رہیں، جن کے تحت اسلام آباد میں ’فریڈم 250 لیکچر سیریز‘ منعقد کی گئی۔ اس سلسلے میں امریکی صدارتی تاریخ، قیادت اور جمہوری ورثے پر گفتگو کی گئی اور پروگرام کو ملک بھر میں لنکن کارنرز کے نیٹ ورک کے ذریعے نشر کیا گیا۔
سفارتخانے کا کہنا تھا کہ یہ تقریبات آئندہ بھی جاری رہیں گی تاکہ عوامی سطح پر روابط کو مضبوط بنایا جا سکے۔
تعلیم کے شعبے میں بھی پیش رفت دیکھنے میں آئی، جہاں یو ایس اے ایجوکیشن کے تحت کراچی اور لاہور میں امریکی جامعات کے تعلیمی میلے منعقد ہوئے۔ ان فئیرز میں پاکستانی طلبہ کو امریکہ میں اعلیٰ تعلیم کے مواقع، اسکالرشپس اور داخلہ طریقہ کار سے متعلق رہنمائی فراہم کی گئی، جبکہ اسلام آباد میں بھی آخری تعلیمی میلہ منعقد کیا جا رہا ہے۔
یہ بھی پڑھیں:محسن نقوی سے امریکی وفد کی ملاقات، پاک امریکا سیکیورٹی تعاون مضبوط بنانے پر اتفاق
ثقافتی روابط کے فروغ کے لیے امریکی وفد نے لاہور میں بسنت میلے میں شرکت کی اور پنجاب کی اس روایتی ثقافتی تقریب میں مقامی شہریوں کے ساتھ شرکت کو دوطرفہ عوامی تعلقات کی علامت قرار دیا۔
اسپورٹس ڈپلومیسی بھی اس ہفتے کا اہم پہلو رہی۔ امریکہ اور پاکستان کے درمیان ٹی ٹوئنٹی کرکٹ میچ کے موقع پر دوستانہ ماحول میں مقابلہ دیکھا گیا، جبکہ امریکی ثقافت کے نمایاں کھیل سپر باؤل کو بھی پاکستانی شائقین کے ساتھ مل کر دیکھا گیا جس میں Seattle Seahawks نے کامیابی حاصل کی۔ امریکی سفارتخانے نے اپنے پیغام میں پاکستان کا شکریہ ادا کرتے ہوئے کہا کہ دونوں ممالک آئندہ بھی شراکت داری، جدت اور سفارتکاری کے نئے دور کو آگے بڑھاتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس ڈپلومیسی امریکی سفارتخانہ پاک امریکا پاک امریکا تعلقات.
ذریعہ
ذریعہ: WE News
کلیدی لفظ: اسپورٹس ڈپلومیسی امریکی سفارتخانہ پاک امریکا پاک امریکا تعلقات پاک امریکا
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار