کسی بھی لمحے اسلام آباد مارچ کی کال آسکتی ہے، مرکزی سیکرٹری اطلاعات پی ٹی آئی
اشاعت کی تاریخ: 13th, February 2026 GMT
پشاور: پاکستان تحریک انصاف کے مرکزی سیکرٹری اطلاعات شیخ وقاص اکرم نے خبردار کیا ہے کہ پارٹی قیادت کسی بھی وقت اسلام آباد کی جانب مارچ کی کال دے سکتی ہے۔
پریس کلب پشاور میں پریس کانفرنس کرتے ہوئے انہوں نے کہا کہ بانی پی ٹی آئی کی صحت سے متعلق حالیہ رپورٹ نے کارکنان اور عوام میں شدید بے چینی پیدا کر دی ہے اور اگر حکومت نے فوری اقدامات نہ کیے تو احتجاجی دائرہ وسیع کیا جائے گا۔
انہوں نے کہا کہ بانی پی ٹی آئی کے علاج کی مکمل ذمہ داری وفاقی اور پنجاب حکومت پر عائد ہوتی ہے۔ ان کے بقول آنکھوں کے معائنے کے دوران اہلِ خانہ کو موجود نہ ہونے دینا باعثِ تشویش ہے جب کہ عدالت کی جانب سے 24 گھنٹے گزرنے کے باوجود تحریری حکم نامہ جاری نہ ہونا بھی سوالات کو جنم دے رہا ہے۔
شیخ وقاص اکرم نے مؤقف اختیار کیا کہ سابق وزیراعظم کو ذاتی معالج تک رسائی نہ دینا بنیادی حقوق کی خلاف ورزی ہے ۔ اس سلسلے میں آئی جی جیل خانہ جات اور متعلقہ حکام کے خلاف مقدمہ درج ہونا چاہیے۔
انہوں نے دعویٰ کیا کہ کور کمیٹی کے اجلاس میں اراکین نے سخت ردعمل کا اظہار کرتے ہوئے اسلام آباد مارچ کی تجویز دی ہے۔ ان کا کہنا تھا کہ پارلیمنٹ ہاؤس کے سامنے احتجاج اس وقت تک جاری رہے گا جب تک مطالبات تسلیم نہیں کیے جاتے۔ انہوں نے مزید کہا کہ بانی پی ٹی آئی کو 3 ماہ تک صرف آنکھوں کے قطروں پر رکھا گیا، جو ان کے مطابق سنگین غفلت ہے۔
شیخ وقاص اکرم نے حکومت پر تنقید کرتے ہوئے کہا کہ موجودہ حکمران خود اپنے لیے مسائل پیدا کر رہے ہیں۔ ان کا کہنا تھا کہ ملک بھر میں احتجاجی مظاہرے ہو رہے ہیں اور کارکنان ہر قسم کی کال کے لیے تیار رہیں۔
انہوں نے عوام سے اپیل کی کہ نماز میں بانی پی ٹی آئی کی صحت یابی کے لیے خصوصی دعا کی جائے۔ ان کے مطابق یہ معاملہ صرف ایک فرد کا نہیں بلکہ کروڑوں عوام کے حقِ صحت کا ہے، جس پر کسی قسم کا سمجھوتا نہیں کیا جائے گا۔
.
ذریعہ
ذریعہ: Al Qamar Online
کلیدی لفظ: پاکستان کھیل بانی پی ٹی آئی انہوں نے کہا کہ
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ