کراچی میں ڈاکوؤں کے ہاتھوں مزید2نوجوان قتل
اشاعت کی تاریخ: 14th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260214-08-7
کراچی ( اسٹاف رپورٹر ) پیر آباد تھانے کی حدوداورنگی ٹاؤن قصبہ کالونی میں موبائل کی دکان پر ڈکیتی کی واردات کے دوران مزاحمت کرنے پر ڈاکووں نے فائرنگ کر دی، جس کے نتیجے میں 18سالہ نوجوان حذیفہ ولد محمد طارق شدید زخمی ہو گیا، زخمی نوجوان کو جناح اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔ مقتول نوجوان قصبہ کالونی کا رہائشی تھا۔ایس ایچ او کے مطابق واردات کے دوران مقتول حذیفہ نے اپنا موبائل فون پھینک دیا تھا، جس پر مسلح ڈاکووں نے فائرنگ کر دی۔ واقعے کے بعد علاقہ مکینوں نے دونوں ڈکیتوں کو پکڑ کر تشدد کا نشانہ بنایا۔ پولیس موقع پر پہنچنے کے بعد دونوں ملزمان موسیٰ ولد مومن اور معراج ولد ابراہیم کو گرفتار کر لیا۔ پولیس نے مقدمہ درج کر کے مزید تحقیقات کا آغاز کر دیا ہے۔ علاوہ ازیں سائٹ سپر ہائی وے کے علاقے میرٹھ سوسائٹی اسکیم 33 میں ڈاکوئوں کی فائرنگ کے نتیجے میں 16 سالہ لڑکا جاں بحق ہوگیا۔ مقتول کی لاش عباسی شہید اسپتال منتقل کر دی گئی، جہاں اس کی شناخت 16 سالہ ایان ولد عمران کے نام سے کی گئی۔ ایان کو ڈاکووں نے پیٹ میں گولی مار کر زخمی کیا، جس کے نتیجے میں وہ موقع پر ہی جاں بحق ہو گیا۔ایس ایچ او سائٹ سپرہائی وے فوری طور پر موقع پر پہنچ کر تحقیقات کا آغاز کردیا ہے۔
ذریعہ
ذریعہ: Jasarat News
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا