آئی ایس پی آر ونٹر انٹرن شپ پروگرام، طلباء کا رینجرز ٹریننگ سینٹر کا دورہ
اشاعت کی تاریخ: 14th, February 2026 GMT
راولپنڈی(نیوز ڈیسک)آئی ایس پی آر کے ونٹر انٹرن شپ پروگرام کے تحت سندھ کی اٹھائیس جامعات کے چار سو پچاس سے زائد طلبہ نے رینجرز ٹریننگ سینٹر کا دورہ کیا۔ دورے کا مقصد نوجوانوں کو قومی اداروں کی ذمہ داریوں، پیشہ ورانہ مہارت اور دفاعی خدمات سے آگاہ کرنا تھا۔
طلبہ نے رینجرز کی دفاعی سرگرمیوں اور تربیتی مراحل کا مشاہدہ کیا اور مختلف عملی مظاہروں میں دلچسپی سے شرکت کی۔ اس موقع پر طلبہ کو رینجرز کی پیشہ ورانہ صلاحیتوں، نظم و ضبط اور سیکیورٹی سے متعلق کردار کے بارے میں تفصیلی بریفنگ بھی دی گئی۔
طلبہ نے اظہارِ خیال کرتے ہوئے کہا کہ اس تجربے سے انہیں فوج اور رینجرز کے عزم، قربانی اور فرض شناسی کا عملی اندازہ ہوا۔ انہوں نے کہا کہ یہ دورہ رینجرز کی محارت اور لگن کو قریب سے سمجھنے کا بہترین موقع فراہم کرتا ہے۔
طلبہ نے آئی ایس پی آر کے پروگرام کو سراہتے ہوئے کہا کہ ایسے دورے قومی شعور کو اجاگر کرتے ہیں اور ملک سے محبت کے جذبات کو مضبوط بناتے ہیں۔ انہوں نے سندھ رینجرز کی شب و روز خدمات اور ملکی سیکیورٹی میں کلیدی کردار پر شکریہ بھی ادا کیا۔
.
ذریعہ
ذریعہ: Daily Mumtaz
کلیدی لفظ: رینجرز کی
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار