عمران خان کا چھپ کر علاج کروانا قابل قبول نہیں، علیمہ خان پھٹ پڑیں
اشاعت کی تاریخ: 14th, February 2026 GMT
پاکستان تحریک انصاف (پی ٹی آئی) کے بانی عمران خان کی ہمشیرہ علیمہ خان نے کہا ہے کہ عدالتی نظام مکمل طور پر ناکام ہو چکا ہے، عمران خان کا چھپ کر علاج کروانا قابل قبول نہیں ہے۔
انسداد دہشتگردی عدالت لاہور میں سماعت کے موقع پر میڈیا سے گفتگو کرتے ہوئے علیمہ خان نے کہاکہ انہیں عمران خان کی آنکھ کی صورتحال کے بارے میں اس وقت معلوم ہوا جب سلمان صفدر کو سپریم کورٹ میں پیش کر دیا گیا۔
مزید پڑھیں: اپوزیشن احتجاج جاری، اراکین کو پارلیمنٹ کے اندر محبوس رکھا گیا ہے، تحریک تحفظ آئین کا الزام
انہوں نے کہاکہ عمران خان نے خود بتایا کہ انہیں گزشتہ 3 ماہ سے دھندلا نظر آ رہا تھا تاہم وہ صحت کے اعتبار سے فٹ ہیں۔ ملاقات کے دوران عمران خان کی آنکھ سے پانی بھی نکل رہا تھا، اور صرف آئی ڈراپ دی گئی تھی۔
علیمہ خان نے کہاکہ آنکھ کا علاج نہ کرنے پر غفور انجم جیل سپرنٹنڈنٹ اور متعلقہ ڈاکٹر ذمہ دار ہیں۔
ان کا کہنا تھا کہ عمران خان کا جرم عوام کی بات کرنا ہے، انہوں نے چیف جسٹس پر بھی تنقید کی کہ علاج کے لیے کوئی واضح حکم جاری نہیں کیا گیا۔
انہوں نے مزید کہاکہ انہیں چھپا کر علاج کرانے کی اجازت نہیں دی جا سکتی، عمران خان کے ذاتی معالج کی موجودگی ضروری ہے۔
علیمہ خان نے خیبرپختونخوا کے تمام ایم این ایز، محمود اچکزئی اور ناصر عباس نقوی کے احتجاج پر شکریہ ادا کیا اور کہاکہ کے پی کے کو تب تک بند رکھا جائے جب تک عمران خان کا علاج مکمل نہیں ہوتا۔
علیمہ خان نے عوام سے اپیل کی کہ خیبرپختونخوا کے بند ہونے پر صبر سے کام لیں اور اپنا حصہ ڈالیں۔
انہوں نے واضح کیاکہ صرف رپورٹس پر اعتبار نہیں کیا جائے گا اور بے بس افراد پر زور ڈالنا قابل قبول نہیں۔
انہوں نے بتایا کہ رات کو فون آیا کہ اسپتال میں علاج کروا دیا جائے گا مگر ڈاکٹر اور فیملی ممبر موجود نہیں ہوں گے، جو ان کے نزدیک قابل قبول نہیں۔
واضح رہے کہ انسداد دہشتگردی عدالت لاہور میں 5 اکتوبر کو پولیس پر مبینہ تشدد اور سڑک بلاک کرنے کے مقدمے میں علیمہ خان کی عبوری ضمانت کی درخواست پر سماعت اے ٹی سی جج منظر علی گل نے کی۔
مزید پڑھیں: عمران خان کی صحت کے معاملے پر کسی کو سیاست نہیں کرنے دوں گا، سہیل آفریدی نے واضح کردیا
عدالت نے پراسیکیوشن سے مقدمات کا ریکارڈ اور وکلا سے دلائل طلب کیے اور علیمہ خان کی عبوری ضمانت میں 13 مارچ تک توسیع کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آنکھ کا علاج بانی پی ٹی آئی عمران خان وی نیوز.
ذریعہ
ذریعہ: WE News
کلیدی لفظ: ا نکھ کا علاج بانی پی ٹی ا ئی وی نیوز قابل قبول نہیں عمران خان کی علیمہ خان نے عمران خان کا انہوں نے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار