گرین شرٹس نے بھارت کے خلاف تاریخ بدلنے کی ٹھان لی
اشاعت کی تاریخ: 15th, February 2026 GMT
کولمبو:
گرین شرٹس نے بھارت کیخلاف تاریخ بدلنے کی ٹھان لی، کولمبو میں آج ورلڈکپ کا میچ جیت کر ایشیا کپ کی مسلسل تین شکستوں کا ازالہ کرنے کی کوشش ہوگی۔
تفصیلات کے مطابق گزشتہ روز کولمبو میں پریس کانفرنس کے دوران سلمان علی آغا نے کہا کہ ورلڈ کپ میں ہمارا بھارت کے خلاف ریکارڈ اچھا نہیں رہا لیکن جب بھی آپ نیا میچ کھیلنے آئیں تو وہ ایک نیا دن ہوتا ہے۔
ٹیم کو فتح کے لیے اچھی کرکٹ کھیلنی پڑتی ہے، آپ تاریخ سے سبق سیکھ سکتے ہیں، ہم نے بھی ایسا کیااور اچھا کھیل پیش کرتے ہوئے میچ جیتنے کی کوشش کریں گے۔
انھوں نے کہا کہ کوئی بھی ٹاس سے کھیل کا فیصلہ نہیں کر سکتا، چاہے آپ ٹاس جیتیں یا ہاریں میچ تب ہی جیتیں گے جب اچھی کرکٹ کھیلیں ، ٹاس تو صرف کھیل شروع کرنے کا ایک طریقہ ہے۔
ہمیں فتح کیلیے عمدہ کھیل پیش کرنا ہوگا،اپنے منصوبے 40 اوورز کے لیے بہتر انداز میں نافذ کرنے ہوں گے، ہم گزشتہ کئی دنوں سے سری لنکا میں موجودگی کی وجہ سے یہاں کے موسم اور پچ کے بارے میں جانتے ہیں، اسی کے مطابق اچھی تیاری بھی کر چکے ،امید ہے کہ یہ ہمیں فائدہ دے گی۔
انھوں نے کہا کہ ممکن ہے کولمبو میں اسپنرز کا غلبہ ہو لیکن میرا خیال ہے فاسٹ بولرز کا بھی کردار ہوگا، پیسرز کی مہارت کو آپ کہیں بھی نظرانداز نہیں کر سکتے،ان کا کردار ہمیشہ رہتا ہے یہاں بھی ہوگا، ہمارے پاس بہت سے اسپنرز ہیں ساتھ فاسٹ بولرز کی بھی کمی نہیں جنھیں ضرورت پڑنے پر استعمال کر سکتے ہیں۔
کپتان نے کہا کہ ہمارے لیے تمام کھلاڑی برابر ہیں، عثمان طارق ٹیم کے دیگر 15 پلیئرز جیسے ہی ہیں، وہ گزشتہ چند ماہ سے بہت اچھی بولنگ کر رہے ہیں،پاکستان ٹیم کا حصہ بننے سے قبل انھوں نے لیگز میں بھی بہت عمدہ کارکردگی دکھائی تھی، وہ ہمارے لیے ٹرمپ کارڈ ثابت ہوں گے۔
انھوں نے کہا کہ عثمان سے جب سے کرکٹ شروع کی ان کے بارے میں غلط ایکشن جیسی باتیں ہوتی رہی ہیں،وہ 2 بار کلیئر ہو چکے، ایکشن کی درستی کیلیے ان سے آئی سی سی نے جو کہا وہ سب کچھ کیا،میں نہیں جانتا کہ لوگ ان کے بارے میں اتنی باتیں کیوں کر رہے ہیں لیکن ایک بات یقین سے کہہ سکتا ہوں کہ عثمان اس کی پرواہ نہیں کرتے کیونکہ وہ ان سب کے عادی ہیں یہ سب ان کے ساتھ تب سے ہو رہا ہے جب سے انٹرنیشنل کرکٹ شروع کی۔
انھوں نے کہا کہ کنڈیشنز دیکھ کر پلیئنگ الیون کا انتخاب کیا جاتا ہے، ہم بھی یہی کریں گے، ہمارے ٹاپ 4 کھلاڑی بیٹنگ آرڈر میں سیٹ ہیں، مجھے نہیں لگتا کہ کچھ تبدیل کرنے کی ضرورت ہے،البتہ اگر صورتحال کے مطابق کچھ بدلنے کی ضرورت ہوئی تو ایسا کریں گے۔
ہمارے پاس 15 کھلاڑی ہیں اور ان میں کسی بھی 11 کو میدان میں اتار سکتے ہیں، ہمیں ان سب پر اعتماد ہے، انھوں نے کہا کہ ہم بارش کے بارے میں کچھ نہیں کر سکتے، البتہ اگر میچ کم اوورز کا ہوا تو اس کے لیے تیار ہیں۔
ہمیں معلوم ہے کہ ایسے حالات میں کیا کرنا ہے،انھوں نے کہا کہ ورلڈکپ میچز میں چاہے بولنگ ہو یا بیٹنگ آپ کو اچھا آغاز کرنا ہوتا ہے، پاور پلے بہت اہم ہوتا ہے، ہم کوشش کریں گے کہ بولنگ اور بیٹنگ دونوں میں اچھی شروعات کریں۔
.
ذریعہ
ذریعہ: Express News
کلیدی لفظ: انھوں نے کہا کہ کے بارے میں کریں گے نہیں کر
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے