صدر مملکت کی چینی عوام کو اسپرنگ فیسٹیول اور نئے سال کی مبارکباد
اشاعت کی تاریخ: 15th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد (صباح نیوز)صدر مملکت آصف زرداری نے چینی نئے سال کی آمد سے قبل چینی عوام کو اسپرنگ فیسٹیول کی دلی مبارکباد اور نیک خواہشات پیش کی ہیں۔ چینی خبر رساں ادارے شنوا کو ایوان صدر میں دیے گئے ایک انٹرویو کے دوران صدر مملکت نے چینی زبان میں ”ہیپی نیو ایئر” کہہ کر نیک تمناؤں کا اظہار کیا۔ صدر زرداری نے کہا کہ پاکستان اور چین کے درمیان مختلف شعبوں میں تعاون کو مزید فروغ دیا جائے گا اور پاک چین دوستی کو نسل در نسل منتقل کیا جائے گا۔ انہوں نے اس بات پر زور دیا کہ دونوں ممالک کے درمیان عوامی اور ثقافتی روابط میں بے پناہ صلاحیت موجود ہے۔ انہوں نے امید ظاہر کی کہ مستقبل میں مزید پاکستانی فلمیں چین میں ریلیز ہوں گی اور پاکستانی و چینی فنکار مشترکہ طور پر معیاری تخلیقات پیش کریں گے۔ صدر مملکت کا کہنا تھا کہ نوجوان نسل پاک چین تعلقات کا مستقبل ہے اور طلبہ کے تبادلہ پروگراموں میں اضافہ خوش آئند ہے۔
ذریعہ
ذریعہ: Jasarat News
کلیدی لفظ: صدر مملکت
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا