مریم اورنگزیب کا جیلانی پارک میں قائم رمضان فیسٹیول کا اچانک دورہ
اشاعت کی تاریخ: 15th, February 2026 GMT
سینئر صوبائی وزیر مریم اورنگزیب نے جیلانی پارک میں قائم رمضان فیسٹیول کا اچانک دورہ کیا اور اشیائے خورونوش کی قیمتوں، کوالٹی اور دستیابی کا تفصیلی جائزہ لیتے ہوئےموقع پر موجود افسران کو سخت ہدایات جاری کیں۔ سینئر وزیر پنجاب مریم اورنگزیب نے کہا کہ یہ فیسٹیول وزیراعلیٰ پنجاب مریم نواز شریف کی ہدایت پر کم آمدن والے طبقے کیلئے خصوصی رمضان ریلیف فراہم کرنے کیلئے منعقد کیا گیا ہے جہاں معروف برانڈز کی 20 فیصد سے زائد رعایتی آفرز دی جا رہی ہیں۔ رمضان فیسٹیول مکمل طور پر پبلک پرائیویٹ پارٹنر شپ اسپانسرشپ اور وولنٹری ڈسکاؤنٹ ماڈل پر قائم ہے اور اس کے قیام پر سرکاری خزانے سے ایک روپیہ بھی خرچ نہیں کیا گیا۔ فیسٹیول میں 165 سے زائد سٹالز فعال ہیں، جہاں اشیائے خوردونوش و روزمرہ استعمال کی معیاری اشیاء دستیاب ہیں، پنجاب بھر میں 74 رمضان فیسٹیول عوام کو ریلیف فراہم کر رہے ہیں، بچوں اور سپیشل بچوں کیلئے خصوصی گفٹس، سٹالز اور فیملی فرینڈلی سرگرمیوں کا اہتمام کیا گیا ہے۔ عوام کی سہولت اور تحفظ کیلئے ریسکیو 1122، ویسٹ مینجمنٹ، کلینک آن ویلز اور سکیورٹی کے مکمل انتظامات کئے گئے ہیں تاکہ شہریوں کو محفوظ، صاف اور منظم ماحول فراہم کیا جا سکے۔ صوبائی وزیر مریم اورنگزیب کا کہنا تھا کہ مریم نواز شریف عوامی خدمت اور ریلیف کے ایجنڈے پر پوری سنجیدگی اور شفافیت کے ساتھ عمل پیرا ہیں، انڈسٹری سٹیک ہولڈرز اور معروف برانڈز کے بھرپور تعاون پرشکرگزار ہیں۔
.
ذریعہ
ذریعہ: Nawaiwaqt
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے