بہن بھائی نے ملکر باپ کو مبینہ طورپرقتل کردیا
اشاعت کی تاریخ: 15th, February 2026 GMT
جھنگ کے علاقے ماڑی بلوچاں میں بہن بھائی نے مل کر باپ کو مبینہ طورپرقتل کر ڈالا۔پولیس کے مطابق 10روز قبل تھانہ کوٹ شاکر میں بیٹے نے باپ کے اغوا کا مقدمہ درج کرایا تھا۔پولیس کے مطابق تحقیقات کے دوران معلوم ہوا کہ 15سال کے لڑکے نے 13سالہ بہن کے ساتھ مل کر اپنے باپ کو مبینہ طور پر قتل کیا۔پولیس نے بتایا کہ دونوں بہن بھائی نے باپ کو قتل کرنے کے بعد کے لاش صحن میں دفنا دی تھی۔پولیس کے مطابق گرفتارملزمان کی نشاندہی پرآلہ قتل گھرکی چھت سے برآمد کرلیا گیا اور ملزمان سے مزید تفتیش کی جا رہی ہے۔
.
ذریعہ
ذریعہ: Nawaiwaqt
کلیدی لفظ: باپ کو
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ