ٹی20 ورلڈکپ: وہی ٹیم جیتے گی جس کے پاس بہترین اسپنرز ہوں گے، عاقب جاوید
اشاعت کی تاریخ: 15th, February 2026 GMT
پاکستان کرکٹ بورڈ (پی سی بی) کے ڈائریکٹر ہائی پرفارمنس اور قومی سلیکٹر عاقب جاوید نے کہا ہے کہ جاری آئی سی سی ٹی20 ورلڈکپ میں وہی ٹیم کامیابی حاصل کرے گی جس کے پاس معیاری اسپنرز موجود ہوں گے۔
حیدرآباد کے مقامی پریس کلب میں میڈیا سے گفتگو کرتے ہوئے عاقب جاوید نے قومی ٹیم کے امکانات پر اعتماد کا اظہار کیا اور کہا کہ پاکستان ٹرافی جیتنے کی بھرپور صلاحیت رکھتا ہے۔ ان کا کہنا تھا کہ حالیہ میچز میں قومی ٹیم نے ثابت کیا ہے کہ وہ متوازن کمبی نیشن کی حامل ہے۔
انہوں نے کہا کہ ‘جس ٹیم کے پاس بہترین اسپنرز ہوں گے، اس کے جیتنے کے امکانات زیادہ ہیں’۔ ان کے مطابق سری لنکن کنڈیشنز میں معیاری آل راؤنڈرز اور اسپنرز فیصلہ کن کردار ادا کریں گے۔
15 فروری کو پاکستان اور بھارت کے درمیان ہونے والے مقابلے کے حوالے سے عاقب جاوید نے کہا کہ اس بار ‘کچھ مختلف’ ہوسکتا ہے کیونکہ پاکستان بہتر پوزیشن میں دکھائی دے رہا ہے۔ انہوں نے کہا کہ ‘یہ پاکستان کے لیے اچھا وقت ہے’۔
دیگر ٹیموں پر تبصرہ کرتے ہوئے انہوں نے کہا کہ آسٹریلیا اور انگلینڈ کو معیاری اسپنرز کی کمی کے باعث مشکلات کا سامنا ہے۔ ان کا کہنا تھا کہ ‘ہر ٹیم کی اپنی طاقت ہوتی ہے، لیکن آسٹریلیا اور انگلینڈ ان حالات میں اتنے مؤثر نظر نہیں آ رہے جتنے وہ اپنے ہوم گراؤنڈ پر ہوتے ہیں، جبکہ پاکستان کو معیاری اسپنرز کا فائدہ حاصل ہے’۔
عاقب جاوید نے مزید کہا کہ کسی بھی ٹیم کی ٹورنامنٹ میں پوزیشن اس کی حالیہ کارکردگی سے جڑی ہوتی ہے۔ بابر اعظم کے ٹی20 میں کردار پر بات کرتے ہوئے انہوں نے کہا کہ گزشتہ دو برسوں میں اس فارمیٹ میں نمایاں تبدیلی آ چکی ہے۔ ان کے مطابق ٹیسٹ یا ون ڈے کی کارکردگی کو اب ٹی20 کا معیار نہیں بنایا جا سکتا۔
انہوں نے کہا کہ ‘ہم عادتاً کسی کھلاڑی کی ستر یا سنچریوں کو گنتے ہیں، لیکن ٹی20 بدل چکا ہے۔ کبھی کبھار 9 گیندوں پر 20 رنز، 70 یا اسی رنز سے زیادہ اہم ثابت ہوتے ہیں’۔
ان کا کہنا تھا کہ ٹی20 میں اب انفرادی سنگ میل کی اہمیت کم ہو گئی ہے۔ ‘بابر اب بھی اہم کھلاڑی ہیں، خاص طور پر سری لنکن کنڈیشنز میں، لیکن اب اصل اہمیت بروقت اور تیز رفتار کارکردگی کی ہے، نہ کہ نصف سنچری یا سنچری کی’۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی20 ورلڈکپ عاقب جاوید کرکٹ.
ذریعہ
ذریعہ: WE News
کلیدی لفظ: ٹی20 ورلڈکپ عاقب جاوید کرکٹ انہوں نے کہا کہ عاقب جاوید نے
پڑھیں:
سعودی عرب کے ساتھ دفاعی معاہدے کے پابند ہیں اور اس کی پاسداری کریں گے: پاکستان
پاکستان نے یمن کے حوثی گروپ کی جانب سے سعودی آئل ٹینکر پر حملے اور بحیرہ احمر میں تجارتی جہاز رانی کو درپیش خطرات کی پرزور الفاظ میں مذمت کی ہے اور سعودی عرب کی سلامتی و خودمختاری کے لیے اپنی مکمل حمایت کا اعادہ کیا ہے۔وزیراعظم شہباز شریف نے جمعرات کو سعودی عرب کے ولی عہد شہزادہ محمد بن سلمان سے ٹیلی فونک رابطہ کر کے بحرِ احمر میں سعودی آئل ٹینکرز پر حوثی ملیشیا کے حملے کی شدید الفاظ میں مذمت کی۔وزیراعظم نے حملے کو بزدلانہ اقدام قرار دیتے ہوئے کہا کہ ”ایسے اقدامات قطعی ناقابلِ قبول ہیں. یہ بین الاقوامی قانون کی صریح خلاف ورزی ہیں، جہاز رانی اور تجارتی نقل و حمل کی آزادی کے لیے خطرہ ہیں اور علاقائی امن، سلامتی اور استحکام کو نقصان پہنچاتے ہیں“۔وزیراعظم نے سعودی عرب کے ساتھ پاکستان کی مکمل یکجہتی کا اظہار کرتے ہوئے کہا کہ میں خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور مملکت کے برادر عوام کے ساتھ مضبوطی اور عزم کے ساتھ کھڑے ہیں۔انہوں نے مزید یقین دہانی کرائی کہ پاکستان مملکت سعودی عرب کی سلامتی، خودمختاری اور علاقائی سالمیت کی مکمل حمایت کرتا ہے اور بحرِ احمر، آبنائے ہرمز اور خطے میں سمندری تجارت کی روانی کو یقینی بنانے کے لیے عالمی برادری اور سعودی عرب کے ساتھ مل کر کام کرتا رہے گا۔گفتگو کے دوران سعودی ولی عہد شہزادہ محمد بن سلمان نے پاکستان کی اس مستقل حمایت اور دونوں ممالک کے درمیان قائم قریبی برادرانہ تعلقات کی تعریف کی۔ اس موقع پر وزیراعظم پاکستان نے خادمِ حرمین شریفین، شاہ سلمان بن عبدالعزیز آل سعود کے لیے بھی نیک خواہشات اور خیر سگالی کے جذبات کا اظہار کیا۔
دوسری جانب، دفترِ خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران گفتگو کرتے ہوئے کہا کہ ”گزشتہ ہفتے بھی حوثیوں کی جانب سے حملہ کیا گیا تھا. جس کی وزیراعظم پاکستان نے فوری مذمت کرتے ہوئے سعودی عرب کے ساتھ مکمل یکجہتی کا اظہار کیا تھا“۔طاہر اندرابی نے کہا کہ ہمارے بحری جہازوں پر حملہ ریڈلائن ہوگی. ہم سعودی عرب کے ساتھ باہمی دفاعی معاہدے کے پابند ہیں اور سعودی عرب کے ساتھ تمام معاہدوں کی پاسداری کریں گے۔انہوں نے خبردار کیا کہ یمن کے مسلح گروہوں کی جانب سے سعودی عرب پر ایسے حملے خطے میں پہلے سے موجود کشیدگی کو مزید بڑھا سکتے ہیں، اس لیے پاکستان تمام فریقین سے تحمل کا مظاہرہ کرنے اور مسائل کا پرامن حل سفارتی راستے سے نکالنے کی اپیل کرتا ہے۔خطے میں امن قائم کرنے اور کشیدگی کم کرنے کے لیے پاکستان نے اپنی سفارتی رفت و آمد میں بھی اضافہ کر دیا ہے۔ترجمان کے مطابق حال ہی میں ایران کے وزیر داخلہ اسکندر مومنی نے پاکستان کا دورہ کیا، جہاں انہوں نے وزیراعظم، فیلڈ مارشل اور وفاقی وزیر داخلہ سمیت اعلیٰ قیادت سے ملاقاتیں کیں تاکہ علاقائی سیکیورٹی کی صورتحال پر تبادلہ خیال کیا جا سکے۔اس کے علاوہ پاکستان اور کویت کے وزرائے خارجہ کے درمیان رابطہ ہوا، جبکہ منیلا میں آسیان ریجنل فورم کے موقع پر نائب وزیراعظم اور وزیر خارجہ اسحاق ڈار نے مصر، عمان، فلپائن، روس اور بنگلہ دیش کے وزرائے خارجہ سے الگ الگ اہم ملاقاتیں کیں۔ان ملاقاتوں کی تفصیل بتاتے ہوئے ترجمان نے کہا کہ ”مصر کے وزیر خارجہ سے ملاقات میں دونوں رہنماؤں نے تمام ممالک کی علاقائی سالمیت اور خودمختاری کے احترام پر زور دیا، جبکہ عمان کے وزیر خارجہ نے خطے میں کشیدگی کے خاتمے اور امن و استحکام کے لیے پاکستان کے سفارتی کردار کو سراہا“۔اس کے ساتھ ساتھ روس کے وزیر خارجہ سرگئی لاوروف اور بنگلہ دیش کے وزیر خارجہ خلیل الرحمان سے بھی باہمی تعلقات اور تعاون کو آگے بڑھانے پر بات چیت کی گئی۔ترجمان دفترِ خارجہ نے مزید بتایا کہ پاکستان کے نائب وزیراعظم و وزیر خارجہ اسحاق ڈار اب شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے بشکیک پہنچیں گے. جہاں ان کی کرغزستان کے صدر اور دیگر رکن ممالک کے وزرائے خارجہ سے ملاقاتیں متوقع ہیں۔ترجمان نے یہ بھی بتایا کہ کینیڈا کی وزیر خارجہ انیتا آنند نے بھی حال ہی میں پاکستان کا دورہ کیا ہے، جو گزشتہ بیس سالوں میں کسی کینیڈین وزیر خارجہ کا پہلا دورہ تھا اور اس دوران دونوں ممالک کے درمیان دوطرفہ تعلقات کی مضبوطی کے لیے اعلیٰ سطح پر بات چیت کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا