’ جیل مردوں کی طرح کاٹو، عورتوں کی طرح کیوں رو رہے ہو‘، آصف زرداری کا نام لیے بغیر عمران پر طنز
اشاعت کی تاریخ: 15th, February 2026 GMT
صدر پاکستان آصف علی زرداری نے رحیم یارخان میں کارکنوں سے خطاب کرتے ہوئے بھٹو خاندان کے قربانی اور پاکستان کی سالمیت کے عزم پر روشنی ڈالی۔ انہوں نے کہا کہ سیاست میں سبق سیکھنا ضروری ہے اور جیل کے تجربات برداشت اور حوصلے کی پرکھ ہیں۔
یہ بھی پڑھیں:آصف زرداری نے ساڑھے 13 برس سیاسی قید میں گزارے جو منفرد مقام ہے، بلاول بھٹو
میڈیا رپورٹ کے مطابق صدر آصف علی زرداری نے خطاب کے دوران کارکنوں سے کہا کہ ابھی ڈیڑھ سال ہوا ہے، جیل مردوں کی طرح کاٹو، عورتوں کی طرح کیوں رو رہے ہو۔ انہوں نے یاد دلایا کہ بے نظیر بھٹو کو 5 سال سکھر جیل میں رکھا گیا اور اس کے باوجود وہ اپنے مقصد سے پیچھے نہیں ہٹیں۔
صدر زرداری نے اپنے خطاب میں بھٹو خاندان کی قربانیوں اور عوامی وعدوں پر بھی روشنی ڈالی۔ انہوں نے کہا کہ بے نظیر بھٹو کو دوست ممالک نے پاکستان واپسی سے روکنے کی کوشش کی، لیکن بی بی نے کہا کہ میں نے عوام سے وعدہ کیا ہے اور نصیب میں شہادت تھی۔ صدر زرداری نے بتایا کہ گاڑی میں بیٹھتے وقت انہوں نے بی بی کو جانے سے روکنے کی کوشش کی، مگر وہ نہ ڈرنے والی تھیں۔
یہ بھی پڑھیں:محفوظ رہائش، خواتین اور بچوں کے وقار کے لیے کلیدی اہمیت رکھتی ہے، خاتون اوّل آصفہ بھٹو زرداری
صدر زرداری نے کہا کہ یوسف رضا گیلانی کو وزیراعظم بنایا اور سرائیکیوں کی عزت کی، کیونکہ ان کی مادری زبان بھی سرائیکی ہے۔ صدر نے مزید کہا کہ سیاست میں بھٹو خاندان سے اور ہم نے بی بی سے سیکھا، اور اب پاکستان کو کسی بھی صورت ٹوٹنے نہیں دیں گے۔
صدر آصف زرداری نے کارکنوں سے مخاطب ہوتے ہوئے کہا کہ جتنا آپ عزت کے ساتھ اپنی شناخت برقرار رکھیں گے، اتنی ہی عزت آپ کو ملے گی۔ انہوں نے کہا کہ زندگی کے آغاز میں اذان کے بعد گولیوں کی آواز سننا پڑی، لیکن ہمیں کسی چیز سے نہیں ڈرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف زرداری جیل صدر مملکت عمران خان.
ذریعہ
ذریعہ: WE News
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا