چیئرمین واپڈا کا دیامربھاشا اور داسو ہائیڈروپراجیکٹ کا دورہ
اشاعت کی تاریخ: 15th, February 2026 GMT
اسلام آباد: ( نیوزڈیسک) چیئرمین واپڈا نے دیامربھاشا ڈیم اور داسو ہائیڈروپاور پراجیکٹ کا دورہ کیا اور دونوں منصوبوں کی اہم سائٹس پر تعمیراتی پیش رفت کا جائزہ لیا۔
پراجیکٹ حکام کی چیئرمین واپڈا کو بریفنگ دیتے ہوئے بتایا کہ دیامر بھاشا اور داسو کے مین ڈیمز پر آر سی سی ورکس اسی سال شروع ہو جائیں گے، دیامر بھاشا ڈیم پراجیکٹ کی 20 سائٹس پر تعمیراتی کام جاری ہے۔
چیئرمین واپڈ کو بتایا گیا کہ دیامر بھاشا ڈیم کی تکمیل 2030 میں متوقع ہے، داسو پراجیکٹ کی 23 سائٹس پر تعمیراتی کام بیک وقت جاری ہے۔
پراجیکٹ حکام نے بتایا کہ داسو پراجیکٹ سے بجلی کی پیداوار 2028 میں شروع ہو جائے گی، دیامر بھاشا ڈیم اور داسو پاکستان کی واٹر، فوڈ اور انرجی سکیورٹی کیلئے انتہائی اہم منصوبے ہیں۔
چیئرمین واپڈا نے پراجیکٹ حکام کو ہدایت کی کہ منصوبوں کے تعمیراتی پلان پر عملدرآمد یقینی بنایا جائے، دیامر بھاشا ڈیم اور داسو پراجیکٹ کی شیڈول کے مطابق تکمیل کیلئے کام میں تیزی لائی جائے۔
دیامر بھاشا ڈیم میں 81 لاکھ ایکڑ فٹ پانی ذخیرہ ہوگا، ساڑھے 4 ہزار میگاواٹ بجلی پیدا ہوگی، داسو پراجیکٹ کی پیداواری صلاحیت 4 ہزار 320 میگاواٹ ہے۔
چیئرمین واپڈا کی دیامر بھاشا ڈیم کے دورے میں مقامی علماء سے بھی ملاقات کی، ملاقات میں مقامی لوگوں کی ترقی کیلئے اعتماد سازی کے اقدامات پر پیش رفت بارے تبادلہ خیال کیا گیا۔
چیئرمین نے داسو ہائیڈرو پاور پراجیکٹ کیلئے 132 کے وی گرڈ سٹیشن کا بھی افتتاح کیا۔
.
ذریعہ
ذریعہ: Daily Mumtaz
کلیدی لفظ: دیامر بھاشا ڈیم چیئرمین واپڈا داسو پراجیکٹ پراجیکٹ کی اور داسو
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا