ٹی 20 ورلڈ کپ: بھارت نے باآسانی پاکستان کو شکست دیدی
اشاعت کی تاریخ: 15th, February 2026 GMT
کولمبو(ویب ڈیسک)ٹی 20 ورلڈ کپ میں بھارت نے پاکستان کو 61 رنز سے شکست دے دی۔ 176 رنز کے تعاقب میں پاکستان کی ٹیم 18ویں اوور میں 114 رنز بنا کر آؤٹ ہو گئی۔ بھارت نے پاکستان کو شکست دے کر سپر 8 مرحلے کے لیے کوالیفائی کر لیا۔پاکستان اور بھارت کے درمیان ٹی 20 ورلڈ کپ کا اہم میچ سری لنکا کے دارالحکومت کولمبو میں کھیلا گیا۔ ٹاس کے بعد بھارتی کپتان نے سپرٹ آف کرکٹ کی خلاف ورزی کرتے ہوئے پاکستانی کپتان سے ہاتھ نہیں ملایا۔بھارت نے پہلے بیٹنگ کرتے ہوئے پاکستان کو جیت کے لیے 176 رنز کا ہدف دے دیا تھا۔ تاہم پاکستان کی بیٹنگ لائن اننگز کے آغاز پر ہی مشکلات کا شکار ہو گئی۔ اور میچ کے اختتام تک کوئی کھلاڑی جم کر نہ کھیل سکا۔
قومی ٹی کے تمام کھلاڑی 114 رنز ہی بنا سکے۔ صرف تین کھلاڑی ڈبل رنز کی فیگر میں پہنچ سکے۔ جبکہ تین کھلاڑی بغیر کوئی رن بنائے پویلین لوٹ گئے۔پاکستان نے ہدف کے تعاقب میں بُرا آغاز کیا۔ پہلے ہی اوور میں قومی ٹیم کے اوپنر صاحبزادہ فرحان بغیر کوئی رن بنائے پویلین لوٹ گئے۔ دوسری وکٹ 6 کے مجموعی اسکور پر گر گئی۔ صائم ایوب 6 رن بناکر بمرا کی گیند پر ایل بی ڈبلیو آؤٹ ہوئے۔قومی ٹیم کے تیسری وکٹ بھی جلد ہی گر گئی۔ جب 13 کے مجموعی اسکور پر کپتان سلمان آغا صرف 4 رنز بنا کر آؤٹ ہوگئے۔ پاکستان کی چوتھی وکٹ 34 کے مجموعی اسکور پر گری۔ جب سابق کپتان بابر اعظم 5 رنز بنا کر بولڈ ہوگئے۔پاکستان کی 73 کے اسکور پر 5ویں وکٹ گر گئی۔ عثمان خان 44 رنز بنا کر پویلین لوٹ گئے۔ ثمان خان 44رن بنا کر اکشر کی گیند پر اسٹمپ آؤٹ ہوئے۔ جبکہ پاکستان کے مجموعی 78 رن پر چھٹا کھلاڑی بھی آوٹ ہو گیا۔ محمد نواز مجموعی اسکور میں صرف 4 رنز کا اضافہ کر سکے۔
قومی ٹیم کے 78 رنز پر جلد 7ویں وکٹ بھی گر گئی۔ شاداب خان 14رن بناکر تلک ورما کی گیند پر کیچ آؤٹ ہوئے۔ پاکستان کی بھارت کے خلاف آٹھویں وکٹ 97 کے مجموعی رنز پر گر گئی۔ فہیم اشرف 10 رنز بنا کر پویلین لوٹ گئے۔ 97 رنز پر ہی پاکستان کی نویں وکٹ بھی گر گئی۔ ابرار احمد بغیر کوئی رنز بنائے آؤٹ ہوگئے۔بھارتی باؤلر لاردک پانڈیا، جسپریت بمرا، اکشر پٹیل اور ورون چکرا ورتھی نے 2،2 وکٹیں حاصل کیں۔ جبکہ کلدیپ یادیو اور تلک ورما نے ایک ایک کھلاڑی کو آؤٹ کیا۔اس سے قبل پہلی اننگز میں پاکستان نے پہلے اوور میں ہی بھارت کی اہم وکٹ گرا دی۔ سلمان آغا نے پہلے اوور میں ہی ابھیشک شرما کو صفر پر آؤٹ کر دیا۔ ابھیشک شرما کا کیچ شاہین شاہ آفریدی نے پکڑا۔بھارت کی دوسری وکٹ 88 کے مجموعی رنز پر گر گئی۔ ایشن کشن نے 3 چھکوں اور 10 چوکوں کی مدد سے 40 گیندوں پر 77 رن بنائے۔ وہ صائم ایوب کی گیند پر کلین بولڈ ہوئے۔
قومی ٹیم کے کپتان سلمان علی آغا نے ٹاس کے بعد گفتگو کرتے ہوئے کہا کہ قومی ٹیم میں کوئی تبدیلی نہیں کی گئی۔ بھارت کے خلاف مقابلے کے لیے تیار ہیں۔انہوں نے کہا کہ ہمارا پورا فوکس میچ پر ہو گا۔ اور ہمیں اندازہ ہے کہ اس طرح کی پچز پر کیسے کھیلنا ہے۔قومی کرکٹ ٹیم میں کپتان سلمان علی آغا کے علاوہ صاحبزادہ فرحان، صائم ایوب، بابر اعظم، عثمان خان، شاداب خان، محمد نواز، فہیم اشرف، شاہین آفریدی، ابرار احمد اور عثمان طارق شامل ہیں۔
.
ذریعہ
ذریعہ: Daily Mumtaz
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا