پولیس گردی سے عوامی آواز نہیں دبائی جا سکتی، عرفان
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260216-01-10
کراچی (پ ر) امیر جماعت اسلامی پاکستان حافظ نعیم الرحمن کی ہدایت اور منعم ظفر خان کی اپیل پر کراچی میں پولیس گردی اور کارکنوں پر تشدد کے خلاف سہراب گوٹھ الاصف اسکوائر پر احتجاجی مظاہرہ کیا گیا اور دھرنا دیا گیا۔ امیر جماعت اسلامی ضلع گڈاپ عرفان احمد نے شرکاء سے خطاب کرتے ہوئے کہا کہ سندھ حکومت غیر جمہوری اوچھے ہتھکنڈوں پر اتر آئی ہے، مگر ریاستی تشدد سے عوام کا حقِ احتجاج نہیں چھینا جا سکتا۔عرفان احمد نے کہا کہ ملک کو سب سے زیادہ ریونیو دینے والا شہر بنیادی سہولیات سے محروم اور کھنڈرات کا نمونہ بن چکا ہے، شکستہ سڑکوں، بجلی، گیس اور پانی کے بحران نے عوام کا جینا دوبھر کر دیا ہے۔ انہوں نے مطالبہ کیا کہ گرفتار کارکنان کو فوری رہا کیا جائے اور پرامن شہریوں پر تشدد کرنے والے اہلکاروں کے خلاف قانونی کارروائی عمل میں لائی جائے۔ دھرنے سے نائب امراء خالد صدیقی اور خالد رحمان نے بھی خطاب کیا، جبکہ سیکرٹری ضلع ابو الخیر اور عوام کی بڑی تعداد موجود تھی۔
ذریعہ
ذریعہ: Jasarat News
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار