سابق کپتان شاہد آفریدی ٹی ٹوئنٹی ورلڈکپ میں بھارت سے شکست پر برہم
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پاکستان کرکٹ ٹیم کے سابق کپتان شاہد آفریدی ٹی ٹوئنٹی ورلڈکپ میں بھارت کرکٹ ٹیم کے ہاتھوں شکست کے بعد کھلاڑیوں کی کارکردگی پر برہم ہوگئے۔
اتوار کو کھیلے گئے آئی سی سی ٹی ٹوئنٹی ورلڈکپ کے اہم میچ میں پاکستان کو 61 رنز سے شکست کا سامنا کرنا پڑا۔
بھارت نے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 175 رنز بنائے، جس کے جواب میں پاکستانی ٹیم 18 اوورز میں 114 رنز بنا کر آؤٹ ہوگئی۔ اس یکطرفہ شکست کے بعد شائقین اور سابق کرکٹرز کی جانب سے قومی ٹیم کو شدید تنقید کا سامنا ہے۔
نجی ٹی وی سے گفتگو کرتے ہوئے شاہد آفریدی نے کہا کہ بھارت کے خلاف میچ میں بہت غلطیاں کی گئیں اور بھارت جیت کا حقدار تھا۔ انہوں نے کپتان سلمان علی آغا کے فیصلوں پر سوال اٹھاتے ہوئے کہا کہ عثمان طارق جیسے اہم بولر کو 10 اوورز تک استعمال نہ کرنا سمجھ سے باہر تھا۔
انہوں نے شاہین شاہ آفریدی کی بولنگ کو بھی تنقید کا نشانہ بنایا اور کہا کہ ان کی کارکردگی مؤثر نہیں تھی، جبکہ متبادل کے طور پر فہیم اشرف موجود تھے۔ شاہد آفریدی نے مزید کہا کہ اگر فیصلہ ان کے ہاتھ میں ہو تو وہ شاہین، شاداب خان اور بابر اعظم کو ٹیم سے باہر بٹھا کر نئے کھلاڑیوں کو موقع دیں گے۔
سابق کپتان کا کہنا تھا کہ سینیئر کھلاڑیوں سے بڑی ٹیموں کے خلاف بہتر کارکردگی کی توقع ہوتی ہے لیکن وہ اس پر پورا نہیں اتر رہے۔ انہوں نے زور دیا کہ اگلے میچ میں نمیبیا کرکٹ ٹیم کے خلاف نئے کھلاڑیوں کو موقع دیا جانا چاہیے تاکہ ٹیم میں نئی توانائی لائی جا سکے۔
.
ذریعہ
ذریعہ: Jasarat News
کلیدی لفظ: شاہد ا فریدی کہا کہ
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا