کراچی: رینجرز اور سی ٹی ڈی کی مشترکہ کارروائی، فتنہ الہندوستان دہشت کے 3 دہشتگرد گرفتار
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی میں سیکیورٹی اداروں نے ایک بڑی اور بروقت کارروائی کے دوران شہر کو ممکنہ تباہی سے بچاتے ہوئے فتنہ الہندوستان سے وابستہ تین مبینہ سہولت کاروں کو گرفتار کر لیا، جن کے قبضے سے بھاری مقدار میں دھماکہ خیز مواد اور انتہاپسندانہ لٹریچر برآمد کیا گیا ہے۔
نجی ٹی وی کی رپورٹ کے مطابق رینجرز اور کاؤنٹر ٹیررازم ڈیپارٹمنٹ (سی ٹی ڈی) نے خفیہ اطلاعات کی بنیاد پر کورنگی کے علاقے چکرا گوٹھ میں مشترکہ آپریشن کیا، جس کے دوران انتہائی مطلوب تین افراد کو حراست میں لیا گیا۔
رینجرز کے ترجمان نے بتایا کہ گرفتار ملزمان کی شناخت یاسر عرفات، خدابخش اور زاہد عرف بارکزئی کے ناموں سے ہوئی ہے، جو مبینہ طور پر کالعدم تنظیم کے لیے سہولت کاری اور معاونت میں ملوث تھے۔
ترجمان رینجرز کے مطابق کارروائی کے دوران سیکیورٹی اہلکاروں نے ملزمان کے خفیہ ٹھکانے سے تقریباً پانچ کلوگرام بارودی مواد، دس میٹر پرائما کارڈ، تین ڈیٹونیٹرز، ایک کلوگرام بال بیرنگ، انتہاپسندی پر مبنی ڈھائی سو سے زائد کتابچوں پر مشتمل لٹریچر اور ایک لیپ ٹاپ برآمد کیا۔
حکام کے مطابق یہ مواد شہر میں دہشت گردانہ کارروائیوں کے لیے تیار کیا گیا تھا، جسے حساس مقامات پر استعمال کرنے کی منصوبہ بندی کی جا رہی تھی۔
ترجمان کے مطابق ابتدائی تفتیش میں یہ بات سامنے آئی ہے کہ گرفتار افراد مختلف کالجز اور جامعات کے طلبہ کو انتہاپسند نظریات کی جانب راغب کرنے، ان کی ذہن سازی کرنے اور کالعدم تنظیم میں شامل کرنے کے لیے سرگرم تھے۔ اس مقصد کے لیے نہ صرف پروپیگنڈا مواد فراہم کیا جاتا تھا بلکہ جدید ٹیکنالوجی کے ذریعے رابطے بھی استوار کیے جا رہے تھے۔
سیکیورٹی ذرائع کا کہنا ہے کہ ملزمان کی گرفتاری کے نتیجے میں کراچی میں بڑے پیمانے پر دہشت گردی کے خدشات کو ناکام بنا دیا گیا ہے۔ گرفتار افراد کو دھماکہ خیز مواد سمیت مزید قانونی کارروائی کے لیے پولیس کے حوالے کر دیا گیا ہے جبکہ تفتیش کا دائرہ مزید وسیع کرتے ہوئے ان کے ممکنہ نیٹ ورک اور سہولت کاروں کی تلاش بھی شروع کر دی گئی ہے۔
ذریعہ
ذریعہ: Jasarat News
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے