عمران خان کی دائیں آنکھ کی بینائی میں واضح بہتری، میڈیکل بورڈ کی رپورٹ جاری
اشاعت کی تاریخ: 16th, February 2026 GMT
بانی پی ٹی آئی عمران خان کے طبی معائنے کی رپورٹ الشفا ٹرسٹ آئی اسپتال کے شعبہ امراضِ چشم نے جاری کردی۔
میڈیکل بورڈ کے مطابق دائیں آنکھ کی بینائی میں واضح بہتری آئی ہے۔ دائیں آنکھ کی نظر 6/36 سے بہتر ہو کر 6/9 جزوی تک پہنچ گئی ہے۔
بائیں آنکھ کی نظر نارمل حد میں ہے اور معائنے میں تسلی بخش رپورٹ سامنے آئی ہے۔ چشمہ لگانے کے بعد بائیں آنکھ کی نظر 6/6 تک ریکارڈ کی گئی۔
او سی ٹی کے مطابق دائیں آنکھ میں سوجن کم ہو رہی ہے جبکہ ریٹینا اپنی جگہ موجود ہے اور کسی قسم کی علیحدگی رپورٹ نہیں ہوئی۔ لینس صاف ہے اور آنکھ کے اگلے حصے میں کوئی تشویشناک علامت سامنے نہیں آئی۔
دائیں آنکھ کے اندرونی حصے میں خون رسنے کے اثرات بھی کم ہو رہے ہیں۔ علاج ماہرین کی نگرانی میں جاری ہے اور ادویات باقاعدگی سے دی جا رہی ہیں۔
ڈاکٹروں کے شیڈول کے مطابق اگلی اینٹی وی ای جی ایف خوراک دی جا سکتی ہے جبکہ مزید ٹیسٹ او سی ٹی اینجیوگرافی اور ایف ایف اے علاج مکمل ہونے کے بعد تجویز کیے گئے ہیں۔
سینیئر ماہرین نے مریض کی موجودہ حالت پر تفصیلی بریفنگ دی ہے اور ذاتی معالجین کو بھی فون پر تفصیل سے آگاہ کیا گیا ہے۔ علاج پر اطمینان کا اظہار کیا گیا۔
رپورٹ میں کہا گیا ہے کہ افواہوں اور غیر ذمہ دارانہ اندازوں سے گریز کیا جائے اور صرف مستند میڈیکل رائے کو تسلیم کیا جائے۔
میڈیکل رپورٹ کے مطابق بہتری ہو رہی ہے اور علاج درست سمت میں جا رہا ہے۔ مریض کو بہترین ممکن طبی سہولت فراہم کی جا رہی ہے اور فالو اپ جاری رہے گا۔
عوام سے اپیل کی گئی ہے کہ میڈیکل معاملات پر غیر ماہرانہ تبصروں سے پرہیز کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی بینائی عمران خان واضح بہتری وی نیوز.
ذریعہ
ذریعہ: WE News
کلیدی لفظ: بانی پی ٹی ا ئی واضح بہتری وی نیوز دائیں آنکھ کے مطابق آنکھ کی ہے اور
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ