سانحہ گل پلازہ: جوڈیشل کمیشن نے جاں بحق افراد کے ورثا سے ملاقاتیں شروع کردیں
اشاعت کی تاریخ: 16th, February 2026 GMT
کراچی: سانحہ گل پلازہ کی تحقیقات کے لیے قائم جوڈیشل کمیشن نے جاں بحق افراد کے ورثا سے ملاقاتوں کا آغاز کر دیا ہے۔
کمیشن نے کراچی میں متاثرہ خاندانوں سے ملاقات کی، اس موقع پر سربراہ کمیشن جسٹس آغا فیصل نے اظہارِ افسوس کرتے ہوئے کہا کہ آپ سب شہدا کے لواحقین ہیں اور کمیشن نے کارروائی کا آغاز آپ سے ملاقات کے ذریعے کرنا مناسب سمجھا۔ انہوں نے کہا کہ اس المناک واقعے پر ہمیں دلی دکھ ہے۔
جسٹس آغا فیصل کا کہنا تھا کہ کمیشن کے قیام کا مقصد مستقبل میں ایسے سانحات کی روک تھام کے لیے سفارشات مرتب کرنا ہے۔ مالی نقصان کا ازالہ ممکن ہے لیکن انسانی جان کا نعم البدل نہیں۔ انہوں نے بتایا کہ ورثا کے لیے چند سوالات تیار کیے گئے ہیں اور حقائق تک رسائی کے لیے ان کی معاونت درکار ہے۔
انہوں نے کہا کہ لواحقین چاہیں تو موقع پر یا ہائیکورٹ آ کر اپنے بیانات ریکارڈ کرا سکتے ہیں، جبکہ دیگر متاثرین سے بھی اپیل کی گئی کہ وہ سامنے آ کر معلومات فراہم کریں۔ کمیشن عوام، حکومت اور ریسکیو ورکرز سمیت تمام متعلقہ فریقین سے شواہد اکٹھے کر رہا ہے تاکہ جامع رپورٹ تیار کی جا سکے۔
ملاقات کے دوران سانحے میں جاں بحق شہری عبدالحمید کی والدہ نے بتایا کہ رات ساڑھے دس بجے بیٹے سے بات ہوئی تھی، اس نے کہا کہ آگ لگنے کی اطلاع ملی ہے اور وہ واپس آ رہا ہے، تاہم ایک بچے کو بچانے کی کوشش میں رک گیا، بعد ازاں ہمیں اس کی لاش ٹکڑوں میں ملی۔
.
ذریعہ
ذریعہ: Al Qamar Online
کلیدی لفظ: پاکستان کھیل کے لیے کہا کہ
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے