سولر صارفین کے لیے خوشخبری، نیپرا کا موجودہ صارفین کے لیے نیٹ میٹرنگ پالیسی برقرار رکھنے کا فیصلہ
اشاعت کی تاریخ: 16th, February 2026 GMT
نیشنل الیکٹرک پاور ریگولیٹری اتھارٹی (نیپرا) نے موجودہ سولر صارفین کے لیے نیٹ میٹرنگ پالیسی کو برقرار رکھنے کا فیصلہ کرلیا۔
نیپرا نے سولر پالیسی میں ترمیمی مسودے کا نوٹیفکیشن جاری کر دیا ہے اور اس پر 30 دن کے اندر آرا طلب کر لی گئی ہیں۔
مزید پڑھیں: نیٹ میٹرنگ ختم، کیا سولر صارفین کے لیے بلنگ مہنگی ہو جائے گی؟
نوٹیفکیشن کے مطابق ترامیم 9 فروری 2026 سے نافذ العمل ہوں گی۔
واضح رہے کہ گذشتہ ہفتے نیپرا نے ملک میں نیٹ میٹرنگ کے بجائے نیٹ بلنگ نظام کا نوٹیفکیشن جاری کیا تھا۔
اس کے ساتھ ہی سولر صارفین کے لیے نئے ریگولیشنز 2026 بھی جاری کیے گئے تھے، جس کے تحت نئے صارفین سے اضافی بجلی 11 روپے فی یونٹ میں خریدنے کا فیصلہ کیا گیا اور نئے صارفین کے معاہدوں کی مدت 7 سال سے کم کرکے 5 سال مقرر کی گئی تھی۔
ان نئے ریگولیشنز کے تحت موجودہ صارفین کو حاصل اہم سہولیات بھی ختم کی گئی تھیں، جس میں یونٹ کے بدلے یونٹ کی ایڈجسٹمنٹ کی سہولت شامل ہے۔
مزید پڑھیں: نیٹ میٹرنگ کا نیا بلنگ نظام متعارف، پاور ٹیرف کا اعلان بھی کردیا گیا
اب نیپرا کا کہنا ہے کہ موجودہ صارفین کی پالیسی برقرار رہے گی اور نئے قوانین کا اطلاق صرف نئے سولر صارفین پر ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سولر صارفین نیپرا نیٹ میٹرنگ وی نیوز.
ذریعہ
ذریعہ: WE News
کلیدی لفظ: سولر صارفین نیپرا نیٹ میٹرنگ وی نیوز سولر صارفین کے لیے نیٹ میٹرنگ
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا