آج محسوس ہوا پی ٹی آئی اپنے بانی کی صحت سے زیادہ بیانیے میں دلچپسی لے رہی ہے، بلال اظہر
اشاعت کی تاریخ: 16th, February 2026 GMT
وزیر مملکت برائے خزانہ بلال اظہر کیانی : فائل فوٹو
وزیر مملکت برائے خزانہ بلال اظہر کیانی کا کہنا ہے کہ آج محسوس ہوا پی ٹی آئی اپنے بانی کی صحت سے زیادہ اپنے بیانیے میں دلچپسی لے رہی ہے۔
جیو نیوز کے پروگرام کیپٹل ٹاک میں گفتگو کرتے ہوئے بلال اظہر کیانی نے کہا کہ پمز میں علاج بانی پی ٹی آئی کی رضا مندی سے ہوا، ڈاکٹر عارف اور ندیم قریشی نے بانی پی ٹی آئی کا تفصیلی معائنہ کیا اور بتایا کہ خاطر خواہ بہتری آئی ہے، دونوں ڈاکٹرز کی بیرسٹر گوہر اور علامہ راجہ ناصر عباس سے ملاقات ہوئی اور انہیں بریف کیا گیا۔
طلال چوہدری نے کہا کہ کسی کو کہاں رکھنا ہے کون سی دوا دینی ہے کیا علاج کرنا ہے اس کا فیصلہ ڈاکٹرز کریں گے، یہ فیصلہ نہ مریض خود کر سکتا ہے، نہ وکیل کرسکتا ہے اور نہ ان کی جماعت یہ فیصلہ کر سکتی ہے۔
بلال اظہر کیانی نے کہا کہ حکومت پی ٹی آئی کو مطمئن کرنا چاہتی تھی اس لیے ڈاکٹرز کی بیرسٹر گوہر اور ناصر عباس سے ملاقات کروائی گئی، فون پر بانی پی ٹی آئی کے ڈاکٹرز کو بھی بریف کیا گیا اور ان کے سوالات کے جواب بھی دیے گئے۔
پروگرام میں شریک پی ٹی آئی سینیٹر عون عباس بپی نے کہا کہ ہمارا مطالبہ ہے کہ ہمارے تین ڈاکٹرز کی بانی پی ٹی آئی سے ملاقات کروائی جائے، بانی پی ٹی آئی کے فیملی ڈاکٹرز نے ان کا معائنہ نہیں کیا، ہمیں بتایا گیا کہ بانی پی ٹی آئی سے متعلق جو رپورٹ دی گئی ہے وہ خوش آئند ہے۔
سینیٹر عون عباس بپی نے کہا کہ خوشی ہے رپورٹ کے مطابق بانی پی ٹی آئی کی طبعیت اور بینائی ٹھیک ہے، اس بات کی تصدیق کروانے کے لیے ہمارا مطالبہ ہے کہ ہمارے ڈاکٹرز یا پارٹی قیادت کی بانی سے ملاقات کروائی جائے۔
انہوں نے کہا کہ ہمارے ڈاکٹرز یا پارٹی قیادت کی بانی پی ٹی آئی سے ملاقات کروانے تک دھرنا جاری رہے گا۔
.
ذریعہ
ذریعہ: Jang News
کلیدی لفظ: بلال اظہر کیانی بانی پی ٹی آئی سے ملاقات نے کہا کہ
پڑھیں:
مینگو شیک کے لیے کون سا آم بہترین ہے؟ ذائقے اور کریمی ٹیکسچر کو بدل دینے والے راز
گرمیوں کی آمد کے ساتھ ہی آموں کی خوشبو اور مٹھاس ہر طرف پھیل جاتی ہے، اور بازاروں، ریڑھیوں اور گھروں میں مختلف اقسام کے آم اپنی رنگینی بکھیرنے لگتے ہیں۔
پاکستان میں آم کی کئی مشہور اقسام پائی جاتی ہیں جن میں دسہری، کیسر، چونسہ اور سندھ کے بعض علاقوں میں محدود پیمانے پر کاشت ہونے والا الفانسو آم شامل ہے، جسے عام طور پر ’الفنس‘ کے نام سے بھی جانا جاتا ہے۔
آم کو صرف ایک پھل نہیں بلکہ گرمیوں کی پہچان سمجھا جاتا ہے، اسی لیے اس موسم میں اس سے آئس کریم، میٹھے پکوان، آم رس، سلاد اور مختلف مشروبات تیار کیے جاتے ہیں۔ تاہم ٹھنڈا اور گاڑھا مینگو شیک آج بھی سب سے زیادہ پسند کیے جانے والے مشروبات میں شمار ہوتا ہے، اور اکثر یہ سوال سامنے آتا ہے کہ آخر مینگو شیک کے لیے بہترین آم کون سا ہے؟
ماہرین اور شوقین افراد کے مطابق الفانسو آم مینگو شیک کے لیے بہترین انتخاب سمجھا جاتا ہے۔ اس کی گودے دار ساخت قدرتی طور پر کریمی ہوتی ہے، اس میں ریشہ نہ ہونے کے برابر ہوتا ہے اور اس کی مٹھاس دودھ کے ساتھ بخوبی گھل جاتی ہے، جس سے شیک ہموار اور ملائم بنتا ہے۔ بعض آم بلینڈ کرنے کے بعد ریشے دار محسوس ہوتے ہیں، لیکن الفانسو شیک کو ایک یکساں اور کریمی ساخت دیتا ہے۔
الفانسو آم کی ایک اور نمایاں خصوصیت اس کی خوشبو ہے، جو سادہ دودھ کے شیک کو بھی ایک خاص ذائقہ اور مہک عطا کرتی ہے۔ چونکہ یہ قدرتی طور پر بہت میٹھا ہوتا ہے، اس لیے اکثر افراد اس میں اضافی چینی ڈالنے کی ضرورت محسوس نہیں کرتے۔
ماہرین کا کہنا ہے کہ ہر آم مینگو شیک کے لیے یکساں طور پر موزوں نہیں ہوتا۔ ایک اچھے شیک کے لیے ایسے آم کا انتخاب بہتر ہے جس میں ریشہ کم ہو، گودا قدرتی طور پر میٹھا اور خوشبودار ہو، ساخت گاڑھی اور کریمی ہو، جبکہ گٹھلی چھوٹی اور گودا زیادہ ہو۔
الفانسو کے علاوہ کیسر آم بھی ایک اچھا انتخاب سمجھا جاتا ہے، جو اپنے شوخ نارنجی گودے اور بھرپور مٹھاس کے باعث گاڑھا اور لذیذ شیک تیار کرتا ہے۔ اسی طرح دسہری آم اپنی خوشبو اور رس دار خصوصیات کی وجہ سے ہلکے اور تازگی بخش شیک کے لیے موزوں مانا جاتا ہے۔
ماہرین یہ بھی خبردار کرتے ہیں کہ بہت زیادہ پکے ہوئے آم استعمال نہ کیے جائیں، کیونکہ اگرچہ وہ زیادہ میٹھے ہوتے ہیں لیکن بعض اوقات ان میں خمیر جیسی بو پیدا ہو سکتی ہے جو شیک کے ذائقے کو متاثر کرتی ہے۔
گھر میں بہترین مینگو شیک بنانے کے لیے چند آسان طریقے بھی مددگار ثابت ہوتے ہیں۔ آموں کو استعمال سے پہلے ٹھنڈا کر لیا جائے تو برف کی ضرورت کم ہو جاتی ہے، جبکہ مکمل چکنائی والے ٹھنڈے دودھ سے شیک زیادہ کریمی بنتا ہے۔ آم کے ٹکڑوں کو فریز کر کے استعمال کرنے سے شیک مزید گاڑھا ہو جاتا ہے، اور ذائقے میں بہتری کے لیے ہلکی سی الائچی یا زعفران بھی شامل کیا جا سکتا ہے۔
ماہرین کے مطابق ضرورت سے زیادہ بلینڈنگ سے شیک پتلا بھی ہو سکتا ہے، اس لیے اسے مناسب وقت تک ہی بلینڈ کرنا بہتر سمجھا جاتا ہے۔ مجموعی طور پر کہا جا سکتا ہے کہ گرمیوں میں بہترین مینگو شیک کا راز صرف ترکیب میں نہیں بلکہ صحیح آم کے انتخاب میں بھی چھپا ہوتا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے