شہر قائد میں فائرنگ کرکے 2 افراد کو موت کی نیند سلا دیا گیا
اشاعت کی تاریخ: 17th, February 2026 GMT
کراچی(نیوز ڈیسک) کراچی کے علاقے جوہر بھٹائی آباد پی آئی اے سوسائٹی گیٹ نمبر 3 کے قریب فائرنگ سے 2 افراد جاں بحق ہوگئے۔
امدادی ٹیموں نے جاں بحق ہونے والے افراد کی لاشوں کو ضروری کارروائی کے لئے جناح ہسپتال منتقل کر دیا جاں بحق ہونے والے افراد کی شناخت شارون اور طحٰہ شاہ کے ناموں سے ہوئی ہے۔
پولیس حکام نے بتایا کہ واقعہ دو گروپوں میں جھگڑے کے دوران پیش آیا، دونوں گروپوں کے درمیان زکری گوٹھ میں زمین کا تنازع تھا، دونوں گروپس کا اس سے قبل بھی جھگڑا ہوا تھا۔
فائرنگ کی زد میں آکر ایک راہگیر بچی بھی زخمی ہوئی، واقعہ کی اطلاع پر پولیس کے اعلیٰ حکام بھاری نفری سمیت فوری موقع پر پہنچ گئے، شواہد اکٹھے کرکے واقعہ کی تحقیقات شروع کر دی۔
فائرنگ سے جاں بحق شارون کے اہلخانہ نے بتایا کہ شارون گھر سے دودھ لینے نکلا تھا،: فائرنگ کی زد میں آکر ہمارا بچہ جاں بحق ہو گیا، شارون آٹھویں جماعت کا طالب علم تھا، اہلخانہ نے اعلیٰ حکام سے انصاف کی اپیل کردی۔
.
ذریعہ
ذریعہ: Daily Mumtaz
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار