گول گپے کے پانی سے زندہ چوہا نکل آیا، ویڈیو سوشل میڈیا پر وائرل
اشاعت کی تاریخ: 17th, February 2026 GMT
انڈیا کے شہر امرتسر میں ایک سڑک کنارے گول گپے کے اسٹال پر حال ہی میں پیش آنے والے واقعے نے سوشل میڈیا پر ہنگامہ کھڑا کر دیا۔ مقامی صارف کے مطابق، وہ دوستوں کے ساتھ اسٹال پر گول گپے کے مزے لے رہے تھے جب انہوں نے بڑے پیالے میں حرکت محسوس کی۔ بعد ازاں معلوم ہوا کہ پیالے میں ایک زندہ چوہا موجود تھا۔
ویڈیو میں وینڈر گول گپے کے مصالحے والے آمیزے سے چوہے کو نکالنے کی کوشش کر رہا تھا۔ آخرکار چوہا چھلانگ لگا کر قریبی نالی کی طرف چلا گیا۔
یہ بھی پڑھیں: ’بوفے کا کھانا اپنے بیگ میں مت ڈالیں‘، سوئٹزرلینڈ کے ہوٹل کا بھارتی سیاحوں کو انتباہ
واقعہ کی ویڈیو سوشل میڈیا پر وائرل ہوئی تو شدید بحث چھڑ گئی۔ بہت سے صارفین نے اس پر غصہ اور اسٹریٹ فوڈ کے صفائی کے معیار پر سوال اٹھاتے نظر آئے، جبکہ دیگر نے ویڈیو کے اسکرپٹ شدہ یا اے آئی سے تیار کردہ ہونے کے امکانات پر بحث کی۔
View this post on Instagram
A post shared by Karan (@karan_dhanju26)
ایک صارف نے سوال کیا کہ جس پانی سے چوہا نکلا ہے اسے پھینک دیا گیا یا سب بیچ دیا۔ کئی صارفین نے ویڈیو پر تبصرہ کرتے ہوئے کہا کہ آج سے گول گپے کھانا بالکل بند۔ ایک صارف نے کہا کہ جو لوگ گول گپے کھا رہے تھے کیا وہ زندہ ہیں؟
انسٹاگرام صارف نے ویڈیو میں واضح کیا کہ انہوں نے وینڈر سے متاثرہ پانی ضائع کروایا، جس پر صارفین نے نوجوانوں کی بروقت اقدام کی تعریف کی، کیونکہ بصورت دیگر یہ پانی گاہکوں کو بیچا جا سکتا تھا۔
یہ بھی پڑھیں: سبزی خور کو گوشت والا کھانا پیش، قطر ایئرویز کی پرواز میں مسافر انتقال کرگیا
واضح رہے کہ بھارت میں سڑک کنارے فوڈ اسٹالوں میں کیڑوں اور چوہوں کے شامل ہونے کے کئی واقعات سوشل میڈیا پر رپورٹ ہو چکے ہیں۔ دسمبر 2025 میں ویرار، مہاراشٹر میں ایک اسٹال پر زندہ سبز سانپ دیکھنے پر عوام میں خوف پھیل گیا تھا اور احمد آباد میں دیوان پانی پوری سینٹر کو کیڑوں کی موجودگی کی وجہ سے سیل کر دیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹریٹ فوڈ انڈین کھانے گول گپے گول گپے میں چوہا ویڈیو وائرل.
ذریعہ
ذریعہ: WE News
کلیدی لفظ: اسٹریٹ فوڈ انڈین کھانے گول گپے ویڈیو وائرل سوشل میڈیا پر
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے