کراچی میں دوران رمضان سوئی گیس کچن میں کب ہوگی، پنجاب کے اوقات کیا تجویز ہوئے؟
اشاعت کی تاریخ: 17th, February 2026 GMT
سوئی سدرن گیس کمپنی (ایس ایس جی سی) نے رمضان المبارک کے لیے کراچی اور اطراف کے علاقوں میں گیس کی فراہمی کا شیڈول جاری کر دیا۔
ایس ایس جی سی کے اعلان کے مطابق سحری کے لیے گیس رات 3 بجے (3 اے ایم) سے صبح 9 بجے تک دستیاب ہوگی اور افطار کے لیے سہ پہر 3:30 بجے شام سے رات 10 بجے رات تک۔
باقی اوقات میں مجموعی طلب کو منظم کرنے کے لیے گیس کی فراہمی معطل رہے گی۔
کمپنی نے بتایا کہ گیس کے دباؤ میں بہتری کے لیے صبح 9 بجے سے 3:30 بجے تک گیس کے دباؤ کا جائزہ لیا جائے گا اور پھر رات کے اوقات میں رمضان کے دوران 10 بجے رات سے 3 بجے صبح تک یہ عمل جاری رہے گا۔ مطلب ان اوقات میں گیس کی سپلائی معطل رہے گی۔
ایس ایس جی سی نے یہ بھی کہا کہ ملک میں گیس کے ذخائر میں تقریباً 10 فیصد سالانہ کمی گیس کی طلب اور فراہمی کے درمیان فرق کو بڑھا رہی ہے۔
اعلان میں کہا گیا کہ یہ اوقات اس لیے مقرر کیے گئے ہیں تاکہ شہری سحری اور افطار کی تیاری میں آسانی محسوس کریں۔
پنجاب میں ایس این جی پی ایل کی تجویزسوئی ناردرن گیس پائپ لائنز لمیٹڈ (ایس این جی پی ایل) نے بھی رمضان کے دوران پنجاب میں روزانہ رات 3 بجے سے رات ساڑھے 10 بجے تک گیس فراہم کرنے کی تجویز دی ہے۔
کمپنی کے مینیجنگ ڈائریکٹر عامر طفیل نے میڈیا کو بتایا کہ رمضان کے دوران پنجاب میں بلا تعطل گیس کی فراہمی کی سفارش کی گئی ہے تاہم حتمی منظوری پٹرولیم ڈویژن دے گا۔
عامر طفیل نے اس سوال کے جواب میں کہ آیا یہ فراہمی صرف پکانے کے اوقات کے لیے ہوگی، کہا کہ کمپنی کوشش کرے گی کہ رمضان کے مہینے میں روزانہ رات 3 بجے (3 اے ایم) سے رات ساڑھے 10 بجے (ساڑھے 10 پی ایم) تک گیس کی فراہمی یقینی بنائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس ایس جی سی ایس این جی پی ایل) پنجاب میں رمضان میں گیس کی فراہمی سوئی گیس کی فراہیمی کے اوقات کراچی میں دوران رمضان گیس.
ذریعہ
ذریعہ: WE News
کلیدی لفظ: ایس ایس جی سی ایس این جی پی ایل پنجاب میں رمضان میں گیس کی فراہمی سوئی گیس کی فراہیمی کے اوقات کراچی میں دوران رمضان گیس گیس کی فراہمی ایس ایس جی سی کے اوقات رمضان کے میں گیس کے لیے
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا