بانی پی ٹی آئی سے بشریٰ بی بی کی ملاقات کروا دی گئی
اشاعت کی تاریخ: 17th, February 2026 GMT
اڈیالہ (نیوزڈیسک)بشریٰ بی بی سے ملاقات کے دن اڈیالہ جیل میں اہم پیش رفت سامنے آئی، ذرائع کے مطابق بانی پی ٹی آئی کی اپنی اہلیہ سے ملاقات کرادی گئی، ملاقات جیل کے کانفرنس روم میں تقریباً 40 منٹ تک جاری رہی۔
ذرائع کا کہنا ہے کہ یہ ملاقات بشریٰ بی بی کی فیملی سے ہونے والی ملاقات سے قبل کرائی گئی، جس دوران بانی پی ٹی آئی نے اپنی صحت اور آنکھ کے علاج سے متعلق آگاہ کیا۔
بعد ازاں بشریٰ بی بی کے خاندان کے افراد کو بھی ملاقات کی اجازت دی گئی۔ ان کی بھابھی مہرالنساء احمد اور بیٹی مہرالنساء شیخ اڈیالہ جیل پہنچیں اور کانفرنس روم میں تقریباً 40 منٹ تک ملاقات کی۔ ملاقات کے بعد اہلِ خانہ جیل سے واپس روانہ ہوگئے۔
دوسری جانب بانی پی ٹی آئی سے ملاقاتوں کا مقررہ وقت ختم ہونے کے باعث خاندان سمیت کسی بھی پارٹی رہنما کو ملاقات کی اجازت نہ مل سکی۔ گوہر علی خان اور سلمان اکرم راجہ ماربل فیکٹری ناکہ سے واپس روانہ ہوگئے، جبکہ علیمہ خان بہنوں سمیت چکری انٹرچینج سے آگے نہ آسکیں۔
ذرائع کے مطابق پولیس نے علیمہ خانم کو چکری انٹرچینج پر وارنٹ گرفتاری کی تعمیل بھی کرائی۔
.
ذریعہ
ذریعہ: Daily Mumtaz
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ